[A:473]ལྷག་ལྷག་པ་ཞིག་ཟར་བཏང་བ་ལ། སློབ་དཔོན་གྱིས་ཕག་ཞལ་ཕྱུང་སྟེ་ཏུག་སྒྲ་དང་བཅས་པས་གསོལ་ཞིང་ཕམ་པར་བྱས་ནས་སངས་རྒྱས་ཀྱི་བསྟན་པ་ལ་བཙུད་དོ། །ཁོ་ན་རེ། ལྷ་ཕག་ཞལ་ཅན་ངེད་མུ་སྟེགས་པའི་ཡིན་གྱི་སངས་རྒྱས་པ་ལ་མེད་ཟེར་བས། ལྡོང་དར་བས་
སྒྲུབ་ཐབས་མཛད། ལྡོང་དར་བས་བསོད་སྙོམས་པ་ཆུང་ངུ་རྒྱལ་བས་བྱིན་རྗེས་སུ་གཟུང་བ་ཡིན་ཏེ།
དེ་ནི་ལྷོ་ཕྱོགས་བེ་ཏ་ལའི་རྒྱལ་པོ་བུ་མེད་པ་ཞིག་གིས་སྟོན་མོ་ཆེན་པོ་བྱས་པས་བུ་ཞིག་བྱུང་བ་དེ་ལ་བྷོ་ཛ་དེ་བ་ཞེས་བྱ་བར་བཏགས། ཕྱིས་དེ་རྒྱལ་པོར་གྱུར་པའི་ཚེ་ནགས་ཤོད་དུ་
འཁོར་དང་བཅས་ཏེ་བྱོན་པས། དེར་ལྡོང་དར་བས་ཅི་ཡང་མེད་པའི་རྣལ་འབྱོར་པ་ཞིག་ཏུ་བྱས་ཏེ་
རྒྱལ་པོ་ལ་ལྟ་སྟངས་ཡུན་རིང་དུ་བྱས་པས། རྒྱལ་པོ་ཁྲོས་ཏེ། འཁོར་རྣམས་ལ་འདི་སོད་ཅིག་པར་བསྒོ་བས། དེ་ནས་ལྡོང་དར་བས་བདེན་པའི་གཏམ་མང་དུ་བྱས་པས། རྒྱལ་པོ་དེ་ཉིད་དུ་རྒྱལ་སྲིད་སྤངས་ནས་སྒོམ་པ་ལ་ཞུགས་ཏེ། ལྷོ་ཕྱོགས་ཀྱི་ཡུལ་དུ་
བསོད་སྙོམས་པ་རྒྱལ་བས་བྱིན་ཞེས་བྱ་བར་གྲགས་ཤིང་གྲུབ་པ་བརྙེས་སོ།
།བསོད་སྙོམས་པ་དེས་ཚའོ་སངས་རྒྱས་བྱིན་ཕྱགས་ཕྱིར་ཁྲིད་ནས་བལ་ཡུལ་དུ་བྱོན་ཏེ། མ་ཧེ་
བྷ་རོའི་སྒོ་དྲུང་དུ་བསོད་སྙོམས་མཛད་པས། བྷ་རོས་གཡོག་མོ་ཟན་དང་ཆང་སྐྱེལ་དུ་བཏང་བས། ཁོང་གི་ཐོད་པར་ཆང་བླུགས་པའི་ཚེ་ཆང་ཁོལ་བས། གཡོག་མོ་ངོ་མཚར་སྐྱེས་ཏེ་བྷ་རོ་ལ་བཟླས་པས། བྷ་རོ་དད་དེ་བྷ་རོ་ཉིད་ཀྱིས་བསོད་སྙོམས་སྐྱེལ་དུ་བྱོན།
དེ་ནས་བྷ་རོ་ལ་སོགས་པའི་བསོད་སྙོམས་ལ་སྤྱོད་ཅིང་བཞུགས་པའི་ཚེ། དེ་བ་ཨཱ་