[A:472]
བོར། མུ་སྟེགས་པ་རྣམས་ཀྱིས་གསོལ་བ་བཏབ་པས་སླར་ཡང་རྩེ་གསུམ་ཕྱུང་སྟེ་ཁོང་རང་
རྣམས་ལ་གཏད་ཅིང༌། ལམ་དེ་ལ་ཐར་པ་མེད་པར་བཀའ་སྩལ།
དེ་ལྟ་བུའི་གྲུབ་པ་བརྙེས་པའི་སྐྱེས་བུ་དེས་ལྡོང་དར་བ་རྗེས་སུ་གཟུང་སྟེ། དེ་ནི་
ཡུལ་མ་ག་དྷ་པའི་རིགས་ངན་ཡིན། དེ་ཡང་ཆོས་བྱ་བར་འདོད་པ་དྲག་པོ་སྐྱེས། ཨ་བ་དྷུ་ཏཱི་པ་ཆེན་པོ་ཞེས་བྱ་བ་མཆོག་གི་དངོས་གྲུབ་བརྙེས་པ་དེ་བྷངྒ་ལ་ན་བཞུགས་པར་ཐོས་ནས་རབ་བྱུང་གི་ཆོས་སུ་ཞུགས། ཀརྴ་པ་ན་མང་པོ་ཁྱེར་ཏེ་མཇལ་དུ་ཕྱིན་པ་ན། བཙུན་རྒན་ཞིག་གླང་དོར་གྱིས་ཞིང་རྨོ། ཆུང་མས་འབུ་འཐུ་བ་ཞིག་མཐོང༌། དང་པོར་ཅུང་ཟད་མ་དད་ཀྱང༌། ད་འདི་ཉིད་ལ་གསོལ་བ་གདབ་དགོས་སྙམ་ནས། ཀརྴ་པ་ན་ཕུལ་ནས་བདག་རྗེས་སུ་འཛིན་པར་ཞུས་པས། ཁྱོད་ང་ལ་མ་མོས་པ་གསུང༌། དེ་བདེན་ལགས་ཞུང་ཤིང་མང་དུ་གསོལ་བ་བཏབ་ནས་ལོ་གསུམ་ཕྱག་ཕྱིར་འབྲངས་པས། གཟོད་
བྱིན་གྱིས་བརླབས་པས་ཕག་མོའི་ཞལ་མངོན་སུམ་དུ་མཐོང༌། དངོས་གྲུབ་ཁྱད་པར་ཅན་ཡང་བརྙེས།
དེ་ནས་སླར་བྱོན་ཏེ་ཛ་ལན་དྷ་རར་བཞུགས་པ་ན། མུ་སྟེགས་པ་ཞིག་
བི་ཀྲ་མ་ཤཱི་ལ་བ་རྣམས་ལ་རྩོད་པ་དང་ནུས་པ་འགྲན་ནོ་ཞེས་ཟེར་བ་ལ། ཁོའི་གདོང་བཟློགས་པ་
རྙེད་དཀའ་བར་གྱུར་པའི་ཚེ་ལྡོང་དར་བས་མཁྱེན་ཏེ་བྱོན་ནས། དེར་རྒྱལ་པོར་དཔང་དུ་བཞག་ནས་
རྩོད་པར་ཆས་པའི་ཚེ། ཁོ་ན་རེ། ནུས་པ་འགྲན་ནམ་རྩོད་ཟེར། ཁྱེད་ཉིད་གང་དགའ་བ་བྱའོ་ཞེས་གསུངས་པས། འོ་ན་ངས་ཁྱོད་ལ་སྦྲུལ་བཏང་གི་ཟེར་ནས། ཁོས་དུག་སྦྲུལ་ཆེན་པོ་འོད་