[A:468]གནང༌།
དེར་བླ་མ་ལོ་ཙཱ་བ་དགུ་བཅུ་རྩ་ལྔ་ལ་གཤེགས། དེ་དང་ཉེ་བར་ཇོ་སྲས་ཀྱང་གཤེགས། དེ་རྟིང་དཔྱལ་ལོ་ཀུན་དགའ་རྡོ་རྗེ་ཞེས་བྱ་བ། ཧ་མུ་དཀར་པོའི་དངོས་ཀྱི་སློབ་མ་དེ་ལ་ཕག་མོ་བསླབས། དེ་ནས་རྣམ་ངེས་ཀྱི་བཤད་པ་ཐོགས་ཤིག་མཛད་དེ། གནམ་མཚོ་ལ་ལོ་དྲུག་ཏུ་བསྒོམས། དེ་ནས་མེ་དགེ་ལྷ་འཚོ་བཏབ་སྟེ་བཤད་གྲྭ་དང་སྒོམ་གྲྭ་གཉིས་སུ་མཛད། སློབ་མ་ཁྱི་ར་བ་
ལུས་མ་སྤངས་པར་མཁའ་སྤྱོད་དུ་བཞུད་པ་ཡང་བྱུང༌། རྩ་བའི་རྒྱུད་ལ་ཊཱི་ཀ་མཛད་ནས་
མང་དུ་གསུངས་ཤིང༌། རང་ལོ་དྲུག་ཅུ་རྩ་དགུའི་བར་དུ་བཞུགས་ཏེ། མེ་སྤྲེ་སྨིན་དྲུག་གི་ཚེ་གཉིས་ལ་གཤེགས། གཞུང་བཤད་པའི་སྲོལ་དགེ་བཤེས་གུ་ཤྲཱི་འབྲོམ་པ་དང༌། རོང་པོ་དགེ་རིངས་ལ་སོགས་པས་གཟུང༌།
བྱིན་རླབས་དབང་གི་བཀའ་འབྲི་ཁུང་སློབ་དཔོན་ཆེན་པོས་མཛད། གདན་ས་ཞང་གིས་བསྐྱངས། ཞང་གི་མཚན་ཚུལ་ཁྲིམས་ཤེས་རབ། དེས་འབྲི་ཁུང་པ་ལ་གཏུགས་ནས་ཕྱག་རྒྱ་ཆེན་པོའི་
རྟོགས་པ་བརྙེས། དེའི་སློབ་མ་ཀུན་ཏུ་འོད། དེ་གཉིས་ཀྱི་སློབ་མ་རོམ་པོ་བའོ། །གཏམ་འདི་དག་ཨཱ་ཙ་རྻ་དྷརྨ་ཀེ་ཏུའི་བཞེས་པ་མཁས་པ་གཡོར་སྟོན་ལས་རྙེད་པ་ཡིན་ཞེས་གྲགས་སོ།
།དེ་ལ་ཀུན་ཏུ་འོད་ནི་ཆེ་མིང་ཡིན་ལ། མཚན་དངོས་དབང་ཕྱུག་སེང་གེ རྣོ་ར་བ་ཡང་ཟེར།དེའི་སློབ་མ་ཞང་བཙུན་སྨོན་ལམ་དབང་ཕྱུག་ནི། མེ་སྤྲེ་ནས་ལྕགས་སྤྲེའི་བར་གྱ་ལྔ། ཁྲོ་ལོའི་ཡང་སློབ་མ་ཡིན། ཤིན་ཏུ་མཐུ་ཆེ་འོ། །དེའི་སློབ་མ་རྫོད་པ་ནི། ཆུ་སྟག་ལ་འཁྲུངས། ཉི་ཤུ་པ་ལྕགས་བྱ་ལ་གདན་སར་བསྐོས། དྲུག་ཅུ་