[A:467]བརྒྱུད་མི་འདྲ་བ་བདུན་བཞུགས་སོ། །བུ་རིན་པོ་ཆེས་ཀྱང་ལཱུ་ཡི་པའི་ལུགས་ཀྱི་མངོན་པར་རྟོགས་པ་དཀྱིལ་ཆོག་དང་བཅས་པ་ཡང་མཛད། ནག་པོ་པས་མཛད་པའི་མངོན་པར་རྟོགས་པ་ལ་འཁྲུལ་སྤོང་ཞེས་བྱ་བའི་ཊཱི་ཀ་བརྩམས་ཤིང༌། རྩ་བའི་
རྒྱུད་དང་ཀུན་སྤྱོད་གཉིས་ཀ་ལ་ཡང་ཊཱི་ཀ་མཛད་དོ། །བདེ་མཆོག་སྡོམ་པ་འབྱུང་བའི་
དཀྱིལ་འཁོར་གྱི་ཆོ་ག་ཡང་མཛད་དེ། །དཀྱིལ་འཁོར་གྱི་ཆོ་ག་མང་དུ་མཛད་པ་ལས། ཆོ་ག་འདིར་དབང་བཞི་པ་རྒྱས་པར་བཤད་དེ།
ཅོག་རོ་ཆོས་ཀྱི་རྒྱལ་མཚན་མདོ་སྨད་དུ་ས་ཕོ་བྱི་བ་ལ་འཁྲུངས་ནས། ལོ་བཅུ་དགུ་ལ་
རྒྱ་དམར་གྱི་གྲྭ་སར་ཕེབས། འདིའི་ས་བྱི་དཔལ་ཕག་མོ་གྲུ་པ་ལྕགས་སྟག་ལ་འཁྲུངས་པའི་
གོང་གི་ས་བྱི་དེ་ཡིན། ཚད་མ་རྣམ་ངེས་དང༌། དབུ་མ་རང་རྒྱུད་དུ་གྲགས་པའི་སྐོར་རྣམས་
གསན་ཞིང་མཁས་པར་མཛད། ཉི་ཤུ་རྩ་བཞིར་དོ་ལ་རྣམ་ངེས་ཀྱི་བཤད་པ་མཛད།
གྲྭ་ས་དེར་རྗེ་ཕག་མོ་གྲུ་པ། མཁན་པོ་ཀ་བ། འབལ་ཚད་མ་བ་རྣམས་དང་དུས་མཚུངས། དེར་དོ་པའི་སྲས་ཇོ་སྲས་ནམ་མཁའ་ཡང་བྱོན་པས། གདམས་ངག་ཕྲན་འགའ་ཡང་ཞུས། ཨར་དང་ཁམས་པ་ཨེ་སེང་ལ་གསན་པ་མངཔོ་མཛད། གཞུང་དུ་རྔོག་མདོ་སྡེ་ལ་
དགྱེས་རྡོར་དང་མཱ་ཡཱ་སོགས་གསན། རིན་ཆེན་ལྗོན་ཤིང་ཞེས་བྱ་བའི་ཡིག་ཆ་ཡང་མཛད། དེ་རྟིང་བླ་མ་དོ་པའི་དྲུང་དུ་སྔ་ཕྱི་ལན་གསུམ་དུ་བྱོན་ནས་འབུལ་བས་ཀྱང་མཉེས་པར་མཛད། ལོ་བཞིར་
བདེ་མཆོག་གི་ཕྲན་དང་བཅས་པའི་གསན་པ་མཛད་པས་མཁས་པར་མཁྱེན། ཇོ་སྲས་ཀྱིས་
ཁུངས་བྱུང་ནས་ཟབ་པའི་གདམས་པ་ཡང་