[A:443]ལུགས་རྣམས་གསན། དེ་ལ་དགེ་བཤེས་འགར་གྱིས་
གསེར་གྱི་བརྒྱད་སྟོང་པ་དང་ནོར་སྲང་བཅུ་ཕུལ་ནས་ཞུས། དེ་ལ་གཉན་སྟོན་རི་རྩེ་བས་ཞུས།
ཡང་ཇོ་བོ་རྗེས་འདུས་པ་འཕགས་ལུགས་ཀྱི་གདམས་པ་རྣམས་ནག་ཚོ་ལ་གསུངས། དེས་
རོང་པ་ཕྱག་སོར་པ་ལ་བཤད། དེས་ཞུས་ལན་པ་ལ། དེས་ལྷ་རྗེ་རི་སྟོན་ལ་གནང༌། དེ་ལ་ངོར་རྗེ་ཀུན་དགའ་འོད་ཀྱིས་ཞུས། ངོར་རྗེ་འདིས་ནི་འདུས་པའི་རྒྱུད་ཕྲན་དང་བཅས་པ་
རྣམས་ལ་རྣམ་པར་བཤད་པ་ཡང་མང་དུ་བརྩམས། དེ་ལས་མཆེད་པ་གཉལ་དང་དྭགས་པོ་རྣམས་
སུ་མང་བར་བྱུང་ངོ༌།
།ཡང་ཤོ་སྟོན་རྡོ་རྗེ་རྒྱལ་མཚན་དང་རོང་པ་རྒྱལ་ལེས་ཤུང་ཀེ་ལོ་ཙཱ་བ་དར་མ་རྡོ་རྗེ་ལ་བཤད། ཤུང་ཀེས་དབ་མི་ལ་ཡང་དབང་བསྐུར་ཞུས། ཤུང་ཀེ་འདི་ལ་སྤ་ཚབ་ལོ་ཙཱ་བས་
ཀྱང་འགོས་ལུགས་གསན་ཟེར་ཞིང༌། ཤུང་ཀེ་ལ་དོལ་པ་འགར་སྟོན་དབང་ཕྱུག་གྲུབ་ཀྱིས་གསན། དེས་བླ་མ་གཟེ་བའི་སྲས་ཇོ་བདེ་ལ། དེས་ཇོ་བོ་འཚར་པ་སྣ་པ་ལ། དེས་ལྷབ་མི་ལའོ། །
ཡང་། མང་ར་སེང་གེ་རྒྱལ་མཚན་གྱིས་རྔོག་ཡེ་ཤེས་ལ་བཤད། དེས་རྔོག་ཉི་མ་སེང་གེ་ལ་བཤད་དེ། ཉི་མ་སེང་གེ་འདི་ནི་མཁས་པའི་གྲགས་པ་ཆེ་བས། དགེ་བའི་བཤེས་གཉེན་མཁས་པ་ཤིན་ཏུ་མང་བར་འདུས་སྟེ། རྩ་རྒྱུད་ཀྱི་ཊཱི་ཀ་ལ་སོགས་པའི་
བསྟན་བཅོས་ཀྱང་མང་དུ་བརྩམས་ནས་འདུས་པའི་བསྟན་པ་སྤེལ་ལོ།
།དེས་གླན་རྩང་ཚ་ཉི་མ་ལྕམ་ལ་བཤད་དེ། ཉི་མ་ལྕམ་གྱིས་རྒྱུད་ཀྱི་ཊཱི་ཀ་མོ་ཆེ་ཞིག་
ཀྱང་མཛད་སྣང་ངོ༌། །ཉི་