[A:442]
འགྱུར་བཅོས་ཀྱང་ལན་གཉིས་སུ་བྱས། ཕན་པ་ཡང་ཤིན་ཏུ་ཆེ་བར་བྱུང་ཞིང༌།
གཞན་ཡང་གུང་བརྟག་སམ་གསུམ། བརྟག་གཉིས་ཀྱི་འགྲེལ་པ་རིན་ཆེན་ཕྲེང་བ། བདེ་མཆོག་བཤད་རྒྱུད་དང་བཅས་པ་དང༌། རྡོ་རྗེ་གདན་བཞི་བཤད་པ་དང་བཅས་པ་དང༌། མ་ཧཱ་མཱ་ཡཱ་ལ་སོགས་པའི་རྒྱུད་མང་པོ་འགྲེལ་པ་དང་བཅས་པ་བསྒྱུར་ཞིང༌། བཤད་པ་ཡང་མཛད་ལ། འདུས་པའི་ཕྲན་རྣམས་ལ་ཡང་འགྱུར་བཅོས་མཛད་དེ།
མཁྱེན་པ་རྒྱ་ཆེན་པོ་དང་ལྡན་པ་དེའི་སློབ་མ་མཆོག་ནི། མང་ར་སེང་གེ་རྒྱལ་མཚན། རྔོག་དབུས་པ་གེ་སེར། དབ་མི་བྱང་ཆུབ་རྒྱལ་མཚན། ལྷོ་པ་རྡོ་རྗེ་སྙིང་པོ། གཉལ་པ་འགར་ཆོས་ཀྱི་རྡོ་རྗེ། དབུས་པ་ཧྭ་གསུམ་དྲུག་ཏུ་གྲགས། དེ་དྲུག་ཀ་ལ་རོང་པ་རྒྱལ་ལེ་དང༌། ཤོ་སྟོན་རྡོ་རྗེ་རྒྱལ་མཚན་གཉིས་ཀྱིས་ཞུས། ཏྲོ་བོ་མགོན་པོས་དབ་མེའི་སློབ་མ་
རྒྱ་ནམ་མཁའ་དང་རོང་བ་རྒྱ་ལེའི་སློབ་མ་ཞང་རྒྱབ་མ་སྤང་སྒང་པ་གཉིས་ལ་གསན་ནས་རྒྱ་ཆེར་བཤད་པས་སློབ་མ་ཤིན་ཏུ་མང་བར་བྱུང་ཞིང༌། འདུས་པའི་ཡིག་སྣ་ཡང་མང་པོ་མཛད་ལ། དེའི་སློབ་མ་སྒོམ་ཆེན་ཆོས་ལ་དགའ་ལ་སོགས་པས་ཀྱང་འདུས་པའི་བཤད་པ་མང་དུ་མཛད་དོ། །ཏྲེ་བོ་འདི་འདུས་པའི་བཤད་པ་ལ་ཕན་ཆེ་བས། ཁོང་གི་དགོན་པ་ན་སྒྲོན་མ་གསལ་བ་
ཡང་ལྔ་བརྒྱ་ཙམ་འདུག་ཅེས་ཐོས་སོ།
།ཡང་འཚུར་སྟོན་དབང་ངེས་འགོས་ཀྱི་སློབ་མ་མང་ར་སེང་གེ་རྒྱལ་མཚན། འགར་ཆོས་ཀྱི་
ཤེས་རབ། རྔོག་གེ་སར། དབུས་པ་རྒྭ་སུམ་སྟེ་བཞི་ལ་འགོས་ལུགས་གསན། དེ་ལ་འཁོན་གད་པ་ཀཱི་རྟིས་འགོས་