[A:441]པ་ཐུགས་ཀྱི་རྡོ་རྗེ། དེས་ལྕམ་ལཀྵི་མཱ་ཆེན་མོ། དེས་རྒྱལ་པོ་ཨེནྡྲ་བུདྡྷིའམ་ལྭ་བ་པ་ལ་བཤད་དོ་ཞེས་བྱ་བའི་དོན་འདི་དག་གསུངས་ཏེ།
ལྭ་བ་པས་ཨོ་ཌི་ཡཱ་ཎའི་ཡུལ་ནས་འཕགས་པའི་ཡུལ་དུ་རྒྱུད་རྣམས་དར་བར་བྱས་སོ་ཞེས་བྱ་བའི་གཏམ་དང་སྦྱར་ན། འདུས་པའི་བླ་མ་བརྒྱུད་པའི་རིམ་པ་ཁུངས་ཅན་དུ་འགྱུར་རམ་སྙམ་སྟེ། སློབ་དཔོན་ཨཱརྻ་དེ་བས་སྤྱོད་པ་བསྡུས་པའི་སྒྲོན་མར་ལྭ་བ་པའི་ལུང་དྲང་ནས་བཤད་པའང་ཡང་འབྱོར་རམ་སྙམ་མོ།
།ཁ་ཅིག་རྒྱལ་པོ་ཨིནྡྲ་བུདྡྷི་དང་ལྭ་བ་པ་གང་ཟག་སོ་སོ་བར་འཆད་པ་རྣམས་ཀྱིས་ནི། ལྷན་ཅིག་སྐྱེས་གྲུབ་ཀྱི་འགྲེལ་པ་འདི་བཤད་པར་མི་ནུས་སོ། །ལྷན་ཅིག་སྐྱེས་གྲུབ་ཀྱི་གཞུང་འདི་
ཡང་འདུས་པའི་རྒྱུད་ལ་བརྟེན་པ་སྟེ། དེའི་འགྲེལ་པར་ཐེག་ཆེན་ཤིན་ཏུ་ཡངས་པ་ལས། ཞེས་བྱ་བ་ནི་
སངས་རྒྱས་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་སྟོན་པར་བྱེད་པ་རྣལ་འབྱོར་ཆེན་པོའི་རྒྱུད་དེ་ཞེས་གསུངས་པའི་ཕྱིར་རོ། །རྒྱལ་པོ་ཨིནྡྲ་བྷཱུ་ཏིས་མཛད་པའི་ཡེ་ཤེས་གྲུབ་པ་
ཡང་འདུས་པ་ལ་བརྟེན་པར་ཤིན་ཏུ་གསལ་ལ། གསང་བ་གྲུབ་པ་ཞེས་གྲགས་པ་ཡང་འདུས་པ་
ལ་བརྟེན་པར་གཞུང་དེ་ཉིད་ལས་ཤིན་ཏུ་གསལ་ཏེ། འདི་ལས་སློབ་དཔོན་ཨཱརྻ་དེ་བས་
སྤྱོད་པ་བསྡུས་པའི་སྒྲོན་མར་ལུང་དུ་དྲངས་སོ། །གསང་བ་གྲུབ་པའི་མཛད་པ་པོ་པདྨ་རྡོ་རྗེ་
ཞེས་བྱ་བ་ཡང་ཞིང་པ་པདྨའི་རྡོ་རྗེ་བྱ་བ་ཉིད་ཡིན་པ་འདྲའོ།
།དེ་ལྟར་བརྒྱུད་པ་དུ་མ་ལས་བྱུང་ཞིང༌། རྒྱུད་ཐམས་ཅད་ཀྱི་སྤྱི་བོར་གྱུར་པ་
འདུས་པའི་རྒྱུད་འགྲེལ་པ་སྒྲོན་མ་གསལ་བ་དང་བཅས་པ་ལ་ནི། རྗེ་འགོས་ཀྱིས་