[A:440]ཞིག་ངས་བསྟན་པའི་ཕྱག་ན་རྡོ་རྗེའི་རྒྱལ་པོ་དེ་ཉིད་ཨིནྡྲ་བྷུ་ཏི་སྤྲུལ་པའི་སྐུས་ས་བཅུའི་དབང་ཕྱུག ཡེ་ཤེས་ཀྱི་སྐུ། ས་བཅུ་བཞིའི་དབང་ཕྱུག་གོ །ཞེས་མ་འོངས་པ་ན་འབྱུང་བའི་ཚུལ་དུ་ལུང་བསྟན་པའི་འདི་དང་འབྱོར་བར་སྣང་ལ།
གཞན་ཡང་ལྷན་ཅིག་སྐྱེས་གྲུབ་ལས། དཔལ་ལྡན་རོལ་པ་ལྷ་མོ་ཆེ། །དེ་བཞིན་དཔའ་བོ་རྡོ་རྗེ་དཔལ། །དམ་ཚིག་ཅེས་བྱ་རྡོ་རྗེ་དཔལ། །དེ་བཞིན་པདྨ་རྡོ་རྗེ་དཔལ། །དཔལ་ལྡན་ལྷ་ཅིག་སྐྱེས་རྡོ་རྗེ། །རྡོ་རྗེ་དང་ལྡན་བྲམ་ཟེ་མོ། །དེ་བཞིན་གྲུབ་པའི་རྡོ་རྗེ་དཔལ།
།དཔལ་ལྡན་གཤིན་རྗེའི་རྒྱལ་པོ་འདིས། །དཔལ་ལྡན་འཁོར་ལོ་མངོན་བརྗོད་པ། བླ་མ་དགེ་སློང་གཉིད་ལོག་པ། །དེ་བཞིན་གཞན་ཡང་གང་ཞིག་ལྷ། །ཞེས་པའི་འགྲེལ་པར། དེ་ཡང་དཔལ་ཨོ་ཌི་ཡ་ཎའི་ཡུལ་ན་རིན་པོ་ཆེས་བརྒྱན་པ་ཞེས་བྱ་བའི་ནགས་ཚལ་དགོན་པ་ཞིག་ན། གསང་བ་པའི་བདག་པོའི་སྤྲུལ་པར་གྱུར་པ་དྲང་སྲོང་འགྲོ་བ་དབུགས་འབྱིན་པ་ཞེས་བྱ་བ་སྐལ་པ་དང་ལྡན་པ་རྣམས་ལ་ལྷན་ཅིག་སྐྱེས་པའི་རིན་པོ་ཆེའི་མན་ངག་གི་རྒྱུད་བསྟན་པར་བྱ་བའི་ཆེད་དུ་བཞུགས་པར་གྱུར་ཏོ། །ཞེས་བྱ་བ་ལ་སོགས་པ་གསུངས་ཏེ། དྲང་སྲོང་འགྲོ་བ་དབུགས་འབྱིན་པས་
རྒྱལ་པོའི་བུ་མོ་ལྷ་མོ་རོལ་བ་ཆེན་མོ། དེས་རྒྱལ་པོ་ཆེན་པོ་དཔའ་བོ་རྡོ་རྗེ། དེས་འདུན་ན་འདོན་དམ་ཚིག་རྡོ་རྗེ། དེས་ཞིང་པ་པདྨའི་རྡོ་རྗེ། དེས་ཆང་འཚོང་མ་ལྷན་ཅིག་སྐྱེས་པའི་རྡོ་རྗེ། དེས་ཐག་པ་དགའ་བའི་རྡོ་རྗེ། དེས་བྲམ་ཟེ་མ་རྡོ་རྗེ། དེས་འདྲེག་མཁན་གྲུབ་པའི་རྡོ་རྗེ། དེས་དཔལ་ལྡན་ཀུན་འགྲོའི་མགོན་པོ། དེས་རྣལ་འབྱོར་