[A:439]མངོན་ཤེས་ཅན། ཟ་ཧོར་གྱི་མཁས་པ་བཙུན་མོ་ཅན། ཀོང་ཀ་ཎའི་རྒྱལ་བུ་སྤྲིན་གྱི་ཤུགས་ཅན། རྡོ་རྗེ་གདན་གྱི་ནག་པོ་དམ་ཚིག་རྡོ་རྗེ། ཇོ་བོ་རྗེ། ཁ་ཆེ་གྲི་བསྟན་གྱི་མཁས་པ་ཙནྡྲ་རཱ་ཧུ་ལ། རྒྱལ་པོའི་ཁབ་ཀྱི་ཞེ་བ་བཟང་པོ། ཡེ་རང་གི་དགེ་བསྙེན་ཆེན་པོའམ་བལ་པོ་ཐུགས་རྗེ་ཆེན་པོ་བལ་པོ་རྫོང་གི་ན་བ་ཀཱུ་ཊི་པ། ནཱ་རོ་པའི་སློབ་མ་ཁ་ཆེ་ཛྙཱ་ན་ཀཱ་ར་རྣམས་ལ་འདུས་པ་གསན།
ངོར་རྗེ་ཀུན་དགའ་འོད་ནི་ཀླུའི་བྱང་ཆུབ་ཀྱིས་ཏི་ལླི་བ་ལ་བཤད་དེས་ནཱ་རོ་པ་ལ། དེས་
ཀུ་ས་ལི་ཆེ་བ། དེས་ཀུ་ས་ལི་ཆུང་བ། དེས་གསེར་གླིང་པ། དེས་པིནྚོ་པ་བསོད་སྙོམས་པ་དང༌། མངོན་ཤེས་ཅན་དང༌། བཙུན་མོ་ཅན་དང༌། ཛྙཱ་ནཱ་ཀུ་ར་བཞི་ལ་བཤད་ཟེར།
ཁ་ཅིག་ནི། རྡོ་རྗེ་འཆང༌། དེས་རྡོ་རྗེ་ཆོས། དེས་ཨི་ནྡྲ་བྷུ་ཏི་ལ། དེས་ཀླུ་ལས་གྱུར་པའི་མཁའ་འགྲོ་མ་ཞེས་བྱ་བ་ལ་སོགས་པར་འཆད་དེ།
རྡོ་རྗེ་ཆོས་ཀྱི་ཨིནྡྲ་བྷུ་ཏི་ལ་བཤད་ཟེར་བ་འདི་ནི། དེ་ཁོ་ན་ཉིད་ཀྱི་སྒྲོན་མའི་རྒྱུད་ལས། ལྷ་མོས་
གསོལ་བ། གསང་བ་ཆེན་པོའི་རྒྱུད་འདི་ནི། ཤེས་པ་དང་ནི་བཤད་པ་སུ། །བཅོམ་ལྡན་འདས་ཀྱིས་བཀའ་སྩལ་བ། བྱང་ཕྱོགས་སུ་དཔལ་རྡོ་རྗེའི་གནས་ཨོ་ཊི་ཡ་ཎ་རུ་རྒྱལ་པོ་
ཨི་ནྡྲ་བྷུཏི་ཞེས་བྱ་བས་ཤེས་པ་དང་བཤད་པ་དང་སེམས་ཅན་ལ་གསལ་བར་བྱེད་དོ། །ལྷ་མོས་གསོལ་བ། ཀྱེ་བཅོམ་ལྡན་འདས་རྒྱལ་པོ་ཆེན་པོ་ཨིནྡྲ་བྷཱུ་ཏི་ཞེས་བྱ་བ་དེ་ས་དུའི་དབང་ཕྱུག་ལགས། བཀའ་སྩོལ་ཅིག །བཅོམ་ལྡན་འདས་ཀྱིས་བཀའ་སྩལ་པ། དཔལ་ཡེ་ཤེས་ཐིག་ལེའི་རྒྱུད་ཀྱི་རྒྱལ་པོ་ལས། གང་