[A:438]ཧས་གསན་ཞིང༌། དེས་སློབ་དཔོན་ཀླུ་སྒྲུབ་ལ་གསུངས་ལ། དེ་ལ་སློབ་མ་མང་དུ་ཡོད་ཀྱང་སློབ་མའི་གཙོ་བོ་ ཤཱཀྱ་བཤེས་གཉེན། ཨརྻ་དེ་བ། ཀླུའི་བྱང་ཆུབ།
ཟླ་བ་གྲགས་པས་སློབ་པའི་རྡོ་རྗེ་ལ་བཤད། དེས་ནག་པོ་བ། དེས་ས་འདྲེས་པ། དེས་མངོན་ཤེས་ཅན་ལ་བསྟན་ཏོ། །འགོས་ཀྱིས་དེ་ལ་སོགས་པ་ལ་གསན་པ་ཡིན་ཏེ།
དེ་ལ་འགོས་ནི། རྟ་ནག་ཕུའི་ཁུག་པ་ཞེས་བྱ་བའི་སའི་ཆར། ཡུམ་སྒྲོལ་མའི་སྤྲུལ་པ་ཡིན་
ཟེར་བ་ཞིག་ལས་འཁྲུངས། མཚན་ནི་ལྷས་བཙས་ཏེ་ལྷས་སྐྱབས་ཤེས་བྱ་བ་ཡིན་པ་ལ། གདུང་འགོས་ཡིན་ཞིང༌། དེ་ཡང་ཡབ་ཡུམ་གཉིས་ཀ་འགོས་ཡིན་པས་འགོས་ཁུག་པ། ལྷས་ར་ཞིག་ཏུ་བཙས་པས་ལྷས་བཙས་ཟེར་བ་ནི་བླུན་པོ་ཁོ་ནའི་གཏམ་མོ། །དེ་ཡང་དང་པོར་
ཟུར་པའི་སར་སློབ་གཉེར་ལ་ཕྱིན་པས། ལས་ཁོ་ན་བཅོལ་ཞིང་ཆོས་མ་བསླབས་པས། བླ་ཆེན་འབྲོག་མིའི་ཐད་དུ་བྱོན། ཆོས་ཀྱི་འབྲེལ་བ་ཙམ་གནང་ཡང༌། རྒྱུད་ཉན་པར་འདོད་པ་
ལ་གསེར་ཁྱེར་ཤོག་གསུང་ནས་མ་གནང་བས་རང་གི་སྤོབས་པ་སྐྱེས་ཏེ། བདག་ཉིད་རྒྱ་གར་དུ་ཕྱིན་ལ་
ཁོང་འདྲ་བ་ཞིག་བྱ་སྙམ་ནས་རྒྱ་གར་དུ་བྱོན།
པནྚི་ཏ་རྣམས་ཀྱིས་ཐད་དུ་ཆོས་གསན་པ་ན་ཡང༌། བརྩོན་འགྲུས་མ་བསྐྱེད་ན་འབྲོག་ལྡོམ་དེ་
ལ་ངོ་ཚ་བར་ཡོད་གསུང་ནས་སྙིང་རུས་བསྐྱེད་དེ་སློབ་གཉེར་ལ་འབད་པ་ཆེན་པོ་མཛད། ཁོང་ལ་བལ་པོ་
ཕན་ཆད་ན་སྤྱིར་པནྚི་ཏའི་བླ་མ་བདུན་ཅུ་དང༌། མཁའ་འགྲོ་མའི་བླ་མ་གཉིས་ཏེ་
བདུན་ཅུ་རྩ་གཉིས་ཡོད་པར་གྲགས། དེ་དག་ལས་འདུས་པ་གསན་པའི་གཙོ་བོ་ནི་
བྷངྒ་ལའི་