[A:437]ཉིད་གསལ་བ་ཞེས་བྱ་བའི་གཞུང་བརྩམས་པ་ཡང༌། གསང་བ་འདུས་པའི་དེ་
ཁོ་ན་ཉིད་དེ་ཉིད་བདེ་མཆོག་འཁོར་ལོས་གསལ་བར་འཆད་དོ་ཞེས་བཞེས་པ་ཡིན་ནོ།
།འདི་ནི་བསྟན་པ་སྔ་དར་གྱི་དུས་སུ་ལོ་ཙཱ་བ་ལྕེ་བཀྲ་ཤིས་ཞེས་བྱ་བས་བསྒྱུར་ནས། བླ་མ་
རྙིང་མ་དག་གིས་ཏནྡྲ་སྡེ་བཅོ་བརྒྱད་པོའི་གཙོ་བོར་ཡང་འཆད་ཅིང༌། བོད་ཀྱི་སློབ་དཔོན་
སྔ་མས་འགྲེལ་པ་མཛད་པ་ཡང་འགའ་ཞིག་སྣང་ངོ༌། །ཕྱིས་ནི་ལོ་ཙཱ་བ་ཆེན་པོ་རིན་ཆེན་བཟང་པོས་
འདིའི་རྒྱུད་དང༌། འགྲེལ་པ་སྒྲོན་མ་གསལ་བ་ལ་སོགས་པའི་འགྲེལ་པ་དང༌། བསྐྱེད་པ་
དང་རྫོགས་པའི་རིམ་པ་སྟོན་པའི་ཕྲ་མོ་ཡང་མང་དུ་བསྒྱུར་ཞིང་བཤད་པ་ཡང་མཛད་པར་སྣང་ངོ༌། །དེ་བཞིན་དུ་ཕྱིས་ནས་ཀྱི་ལོ་ཙཱ་བ་མང་པོས་ཀྱང་འཕགས་པའི་ཡུལ་དུ་བྱོན་ནས་འདུས་པ་བསླབས་ཤིང་བོད་དུ་ཡང་བཤད་མོད་ཀྱི།
དེ་རྣམས་ཀྱི་ནང་ནས་རྗེ་འགོས་ཉིད་ཀྱི་རྗེས་སུ་འབྲང་བ་དང་བཅས་པ་རྣམས་འདུས་པའི་བདག་པོར་གྱུར་ཏོ། །དེ་ལ་འདུས་པ་བ་རྣམས་ཞལ་མཐུན་པར་འདུས་པའི་རྒྱུད་འདི་
ཨོ་ཊི་ཡ་ཎའི་རྒྱལ་པོ་ཆེན་པོ་ཨནྡྲ་བྷཱུ་ཏི་ཞེས་བྱ་བས་གསོལ་བ་བཏབ་པའི་མཐུས། ཐུབ་པའི་དབང་པོས་
དེར་བྱོན་ནས་དབང་བསྐུར་ཞིང་རྒྱུད་བསྟན་ཏེ། རྒྱལ་པོ་འཁོར་བཅས་ཀྱིས་ཀྱང་སྤྲོས་བཅས་ཀྱི་སྤྱོད་པས་
ལེགས་པར་བསྒྲུབས་པས་རིགས་པ་འཛིན་པར་གྱུར་ནས། ཨོ་ཌི་ཡ་ཎའི་གནས་སྟོངས་པ་ལྟ་བུར་གྱུར། དེ་ཡང་ཀླུ་ལས་གྱུར་པའི་རྣལ་འབྱོར་མ་ཞིག་གིས་རྒྱལ་པོ་ལས་མཉན་ནས། དེས་ལྷོ་ཕྱོགས་
ཀྱི་ས་བདག་བི་སུ་ཀལྦ་ལ་བཤད།
དེ་ལ་བྲམ་ཟེ་ཆེན་པོ་ས་ར་