[A:436]
གཟུགས་རྣམ་པར་སྣང་མཛད་ཅེས་བྱ་བ་ལ་སོགས་པ་དང་འདྲ་བར། བཏགས་པའི་དབང་
གིས་དེའི་སྐུ་མདོག་དང་ཕྱག་མཚན་ཅི་ཡིན་འཚོལ་ན་ནི། རིགས་དྲུག་པར་རྣམ་པར་བཞག་པའི་
རྡོ་རྗེ་སེམས་དཔའི་སྐུ་མདོག་ལ་སོགས་པ་གང་ཡིན་པ་དེ་ཡིན་པར་ཤེས་པར་བྱའོ།
།དེ་ལྟར་སློབ་དཔོན་ཀླུ་སྒྲུབ་སློབ་མར་བཅས་པ་རྣམས་ཀྱིས་ཀྱང༌། འདུས་པ་ཆོས་
ཀྱི་ཕུང་པོ་སྟོང་ཕྲག་བརྒྱད་ཅུ་རྩ་བཞི་པོ་ཐམས་ཅད་ཀྱི་དོན་གྱི་གཙོ་བོ་ཡིན་པར་བཞེད་ལ། དིང་སང་
ལ་ལ་དག་རྒྱུད་གཞན་དང་མ་འདྲེས་པའི་རང་དབང་ཅན་ཉི་ཚེ་བ་ཞིག་ཏུ་ཁས་ལེན་པ་ནི་ཐེག་པ་དམན་པ་ལ་མངོན་པར་དགའ་བའི་བག་ཆགས་ལས་བྱུང་བ་ཡིན་ནོ། །དེ་བཞིན་དུ་དྲི་མ་མེད་པའི་འོད་དུ་ཡང༌། དེ་བཞིན་དུ་གསོལ་བ་འདེབས་པ་པོ་ནི་དཔལ་འདུས་པར། དེ་ནས་ཕྱག་ན་རྡོ་རྗེ་དེ་
བཅོམ་ལྡན་འདས་རྡོ་རྗེ་འཛིན་པས་བྱིན་གྱིས་བརླབས་པར་གྱུར་པས་འདི་སྐད་ཅེས་གསོལ་ཏོ། །རྒྱུད་
ཀྱི་རྒྱལ་པོ་ཆེན་པོ་རྒྱུད་ཐམས་ཅད་ཀྱི་བླ་ན་མེད་པ་སངས་རྒྱས་ཐམས་ཅད་ཀྱི་དཔལ་འདུས་པ་སངས་རྒྱས་ཐམས་ཅད་མངོན་པར་བརྗོད་པ་བཅོམ་ལྡན་འདས་ཀྱིས་བསྟན་དུ་གསོལ། ཞེས་པ་དེ་ལྟ་བུ་
ལ་སོགས་པས་ཕྱག་ན་རྡོ་རྗེས་གསོལ་བ་བཏབ་བོ། །ཞེས་གསུངས་པའི་ཕྱིར། དུས་ཀྱི་འཁོར་ལོ་འགྲེལ་པ་དང་བཅས་པ་ཡང་གསང་བ་འདུས་པ་འཆད་བྱེད་དུ་གྱུར་པ་ཡིན་པར་བཞེད་པ་ཡིན་ནོ།
།དཔལ་ཀྱེའི་རྡོ་རྗེར་ཡང༌། སེམས་ནི་འདུས་པའི་གཟུགས་ཅན་ནོ། །ཞེས་ཀྱེའི་
རྡོ་རྗེའི་རྒྱུད་འདུས་པ་ལ་མངོན་དུ་ཕྱོགས་པར་གསུངས་སོ། །སློབ་དཔོན་ནག་པོ་བས་གསང་བའི་དེ་
ཁོ་ན་