[A:༤༩༣]ཀྱིས་འཇུག་པ་ཚོ་དང་མི་འདྲ་བར་རྗེ་བཙུན་འདི་ཉིད་ཁུངས་དང་འབྲེལ་བའི་ཚིགས་བཅད་རེའི་ཆེད་དུའང་དཀའ་སྤྱད་རྟག་ཏུ་ངུ་ལྟར་མཛད་པས་གོང་དུ་མ་འདུས་པའི་རིགས་མེད་པའི་མཐའ་མ་བཀག་མོད། བཤེས་གཉེན་དེ་དག་ལ་ཐོས་པ་ཇི་ལྟར་མཛད་ན་ལུང་སྡེ་བཞི། མདོ་རྩ། སུམ་བརྒྱ་པ། མེ་ཏོག་འཕྲེང་རྒྱུད། ལས་རྣམ་འབྱེད་སོགས་འདུལ་མངོན་དང་འབྲེལ་བའི་རྒྱ་བོད་ཀྱི་གཞུང༌། བརྒྱད་སྟོང་པ། ངོར་ལུགས་སུ་གྲགས་པའི་མདོ་ཆུང་བཅོ་བརྒྱད་མདོ་ཕྲན་གྱི་རིགས་སྣ་ཚོགས། བྱམས་ཆོས་ལྡེ་ལྔ། རིགས་ཚོགས་དྲུག །བཀའ་གདམས་གཞུང་དྲུག །བློ་སྦྱོང་གི་འཁྲིད་སོགས་ཐེག་ཆེན་ཐུན་མོང་བ་དང་འབྲེལ་བའི་རྒྱ་བོད་ཀྱི་ཡིག་སྣ། གསར་མ་རྒྱུད་འབུམ། གདུགས་དཀར་ཞེ་གཉིས་མ། ཚེ་དཔག་མེད་ལྷ་དགུ། འཆི་མེད་རྔ་སྒྲ། དོན་ཡོད་ཞགས་པ། བཅུ་གཅིག་ཞལ། མི་འཁྲུགས་པ་ལྷ་དགུ། ཕྱག་རྡོར་འགྲོ་བཟང༌། རྣམ་རྒྱལ་འཇོམས། རིགས་གསུམ་སྤྱི་སོགས་བྱ་རྒྱུད་ཀྱི་དབང་རྗེས་གནང༌། རིག་གཏད། རྣམ་སྣང་མངོན་བྱང༌། ཕྱག་རྡོར་འབྱུང་འདུལ་སོགས་སྤྱོད་རྒྱུད་ཀྱི་སྐོར། རྡོར་དབྱིངས། དཔལ་མཆོག །རྡོར་སེམས། སྦྱོང་རྒྱུད་དཀྱིལ་འཁོར་བཅུ་གཉིས་སོགས་རྣལ་འབྱོར་རྒྱུད། གསང་འདུས་ལུགས་གསུམ། རིམ་ལྔ་དམར་ཁྲིད། སེམས་ཉིད་ངལ་གསོའི་འཁྲིད། དགྲ་གདོང་འཇིགས་གསུམ། དུས་འཁོར། ལོ་ནག་དྲིལ་གསུམ་གྱི་དབང་འཁྲིད། ཕག་མོའི་སྐོར། མཁའ་འགྲོ་རྒྱ་མཚོ། སྡོམ་འབྱུང༌། བོང་ཞལ་ཅན། སམྤུ་ཊི། སངས་རྒྱས་མཉམ་སྦྱོར། མཁའ་འགྲོ་མ་རྡོ་རྗེ་གུར་སོགས་བླ་མེད་དང་འབྲེལ་