[A:༤༨༠]བགྲང་བྱའི་ལུང་བསྟན་རྣ་བར་སྙན། །ཚད་མ་བཞི་ལྡན་འཁོར་ལོས་ཐུབ་བསྟན་ལུས། །ཀུན་ཚང་གླིང་བཞིར་དབང་སྒྱུར་ཡབ་རྗེའི་ཁྲིར། །མངའ་གསོལ་ཅོད་པན་འཆིང་ལ་གདན་གསུམ་ལྷ། །མཁའ་ཁྱབ་མེ་ཏོག་གླུ་གར་རོལ་མོར་བྲེལ། །ཡི་དམ་ཆོས་སྲུང་དགྱེས་པའི་དཔྱིད་ཀྱི་མ། །འབོད་བྱེད་སོས་ཀྱིས་ཁུ་བྱུག་འདྲེན་པའི་གླུས། །མཆོག་ཐུན་དངོས་གྲུབ་འདབ་བརྒྱ་གྲོལ་བའི་སྦུབས། །ཕན་བདེའི་སྦྲང་རྩི་མངར་པོ་ཅི་ཡང་འཛག །སྙན་བརྒྱུད་ཆོས་ཀྱི་བརྡ་སྤྲོད་མ་ལུས་པ། །རང་རིགས་དབང་པོར་གཏད་པས་སརྦ་ཛྙཿ །ཆོས་དབྱིངས་ཟག་བཅས་བདེ་བའི་མལ་ཉལ་ཀྱང༌། །དག་སྐུའི་གདོང་བཞི་སྤྲུལ་དེ་སུ་ཡིས་འགོག །བྱུ་རུའི་འཁྲི་ཤིང་བཞིན་དུ་དམར་བའི་གཟུགས། །མཉེས་ལྕུགས་འཁྲིལ་ལྡེམ་རྩེ་འཇོའི་ཡིད་འོང་མ། །དར་བབས་ལང་ཚོའི་ཨུཏྤལ་དམར་པོའི་སྒྲོས། །འཛུམ་པའི་བདུད་རྩི་འདྲེན་བྱེད་གཟིགས་མོར་དངར། །གསོལ་འདེབས་ལས། དཔལ་ལྡན་ནཱ་ལེནྡྲ་ཡི་ཆོས་གྲྭ་ཆེར། །བདག་ཆེན་རྗེ་ཡི་ཞབས་ཟུང་གུས་བསྟེན་ཅིང༌། །རྡོ་རྗེ་འཆང་དབང་རྗེ་བཙུན་སྒོ་རུམ་པས། །ཟབ་ལམ་གདམས་པ་སྩལ་ལ་གསོལ་བ་འདེབས། །མཁས་དང་གྲུབ་པའི་ཡོངས་འཛིན་དབང་པོ་མཆོག །དྲུག་ཅུ་རྩ་གསུམ་གུས་པས་ཉེར་བསྟེན་ནས། །རྒྱ་ཆེན་གསར་སྙིང་རྒྱུད་སྡེ་རྒྱ་མཚོའི་ཚོགས། །མ་ལུས་ཐུགས་སུ་ཆུད་ལ་གསོལ་བ་འདེབས། །ཞེས་པར་ཚིག་གི་ཟིན་སོ་ཡོད་མེད་སྣ་ཚོགས་ཀྱང༌། དེ་ནས་ཁའུ་སྐྱེས་ལྷས་ཀྱི་སུམ་ཅུ་རྩ་གསུམ་ཟེར་བའི་བྲང་ཁང་དུ་སྐུ་མཚམས་ཤིན་ཏུ་དམ་པར་བཅད་ནས་ལམ་དུས་ཐུན་བཞི་མ་དང་གཙོ་བོར་ལམ་ཟབ་ཀྱི་རྣལ་