[A:༤༤༧]ཤ་བྱང་ཆུབ་རྒྱལ་བ་དཔལ་བཟང་པོ་བ་ལྷོག་ཐུང་དུ་གྲགས་པ་ཐུགས་རྒོད་ཅིང་རྩོམ་རྐྱེན་པས་དེའི་རིང་ལ་རྫོང་ཤངས་དང་ཕྱི་ནང་གི་སྡེ་འཁྲུག་མང༌། དེ་འོག་མཁན་པོ་ཀུན་དགའ་བློ་གྲོས་པས་མྱུག་ཆོས་སྡེའི་མཁན་པོ་མཛད། དེ་འོག་ཏུ་དབེན་ཤ་ཀུན་དགའ་རྒྱལ་མཚན་པས་རྒྱལ་མཐོང་བཟུང་ཀུན་དང་མཐུན་པའི་ལུགས་ཤེས་ཆེ་བར་བྱུང༌། གཅུང་པོ་ཆུང་བ་དབོན་པོ་ཀུན་རྡོར་བའོ། །དུ་དབེན་ཤ་ཀུན་རྒྱལ་བས་གདུང་བརྒྱུད་ལྕམ་བླངས་པ་ལ་སྲས་གཅིག་བྱུང་བ་དུ་དབེན་ཤ་རིན་ཅེན་རྒྱལ་པོ་བ་སྐུ་བརྟན་པར་བཞུགས་པའོ། །ཁྲི་དཔོན་དཀོན་ཅོག་འོད་ཟེར་བས་བྱང་རུ་ཐོག་གི་ཁྲི་དཔོན་མཛད་ཅིང༌། དཔོན་པོ་དཀོན་ཅོག་རིན་ཅེན་དང་རྒོད་པོ་རིན་ཅེན་པས་མྱུག་རྒྱལ་ཁང་གི་འགོ་བྱས་དྲེ་སྒལ་སོགས་འཛིན། མཁན་པོ་བསོད་ནམས་བློ་གྲོས་པས་ཞང་པོའི་གདན་ས་སྲེག་ཤིང་མཁན་པོ་མཛད་པའི་སྐབས་སུ་མཐོང་སྨོན་ན་དཔོན་ཆེན་གྲགས་རྒྱལ་བ་ཡོད་པ། དཔོན་སྐྱ་གཡོག་རིས་ཀྱི་དབང་དུ་སོང་ནས་ཤངས་པ་ནང་མ་བདེ། དཔོན་པོ་སྐུ་མཆེད་ཆེ་བ་གཉིས་སྐུ་གཤེགས་རྟིང་དབོན་པོ་རྒོད་པོ་རིན་ཅེན་པས་སྟག་ཚང་རྫོང་ཁར་བླ་ཆེན་བསོད་བློ་སྐུ་མཆེད་པའི་ཞབས་ལ་གཏུགས། རྒྱབ་བཅོལ་ནས་རྫོང་ཤངས་བདེ་གཟར་ཡུན་རིང༌། དགུང་ལོ་བཅོ་བརྒྱད་པ་ལ་བླ་ཆེན་པའི་ཕྱགས་ཕྱིར་ལས་ཆེན་གཡས་རུ་བྱང་ནས་གོང་ལ་བྱོན། བླ་མའི་སྐུ་དྲིན་ལ་ཐོ་གན་ཐེ་མུར་རྒྱལ་པོས་ཕིང་གཅིག་པའི་མི་དཔོན། ཧྭིང་སྭོན་ཇིང་དབེན་གྱི་ཧུ་ཤྲཱིའི་མཚན་དང་དམ་རྟགས། བན་རྒན་བློ་གྲོས་རིན་ཅེན་པའི་དུས་ཇི་ལྟར་གནང་བ་བཞིན་གྱི་བོད་འབྲོག་དབང་