[A:༤༤༢]དུས་མཉམ་དུ་འཁྲུངས་པ་ནས་མཚན་འདི་ཆོས་རྒྱལ་འཕགས་པས་བཏགས་པར་ཡང་བྱེད་དོ། །དེའི་དུས་ན་ཧོར་རྒྱལ་བུ་ཆོས་དཔལ་བོད་འཆོས་ལ་བྱོན་པའི་བསུ་སྐྱེལ་ཞབས་ཏོག་ལ་དགེ་བཤེས་ཆེན་པོ་དེ་པས་འབད་རྩོལ་བསྐྱེད་པས་ཉི་མ་ནུབ་ཕྱོགས་ཀྱི་བྱ་བ་རྣམས་ལེགས་པར་གྲུབ་ནས་ཕྱིར་འབྱོན་དུས་སོག་པ་མདོ་བར་སྐྱེལ་ཐུང་ལ་བྱོན་པར་རྒྱལ་པོ་མཉེས་ནས་བྱང་རེ་ཐག་ཕྱིར་འཐེན་གང་འདུག །རིན་ཅེན་བརྩོན་འགྲུས་མི་བརྒྱུད་དང་བཅས་པ་ཤེས་སུ་ཆུག་ཅིང༌། ཁྱོད་ཀྱིས་ཤེ་མོང་འདབས་པ་བཞིན་བུ་ཚ་བོ་རྣམས་ཀྱིས་ཀྱང་གོང་མ་ཡོན་མཆོད་ལ་ཤེ་མོང་འདབས་ཆུག་ཟེར་བའི་ལི་ཇི་བཟང་པོ་གནང༌། དེ་ནས་དགེ་བཤེས་ཆེན་པོ་ས་སྐྱའི་ཚོང་འདུས་ཁང་ལེབ་ཏུ་བདེ་བར་གཤེགས་རྟིང་སྲས་ཆེ་བ་བན་རྒན་ལ་ཡབ་ཀྱི་རྗེས་སུ་ཞུགས་ནས་ཁྲིམས་གཉིས་ཀྱི་བྱ་བ་དང་ས་སྐྱའི་ཞབས་ཏོག །ནང་སོའི་མཐིལ་ལེན། དངོས་སུ་བླ་མ་བདག་ཉིད་ཆེན་པོའི་ཞབས་ལ་གཏུགས་ཤེ་མོང་འདབས་པར་ཏའི་ཏུའི་ཕོ་བྲང་དུ་བྱོན་ནས་བླ་མའི་སྐུ་དྲིན་ལ་ཨོལ་ཇོ་ཐུ་རྒྱལ་པོས་ལྷ་རྒོད་མདུང་རྩེ་ཡན་དང་ར་གཡུ་མཚོ་མན་འདི་བློ་གྲོས་རིན་ཅེན་མི་བརྒྱུད་དང་བཅས་པ་ཤེས་སུ་ཆུག་གསུང་བའི་འཇའ་ས་གཙང་མ་གནང༌། གཅུང་གཉིས་པོ་ཉེ་རིང་མེད་པར་བསྐྱངས། གཅེན་ལ་བྱང་གི་ཁྲི་དཔོན་དང་གཅུང་ལ་དུ་དབེན་ཤའི་ལས་ཀ་ཞུས་ནས་བསྐོས། དྷརྨ་དཀོན་ཅོག་གི་གཞི་བ་ལ་མ་གཅིག་མཁའ་འགྲོ་འབུམ་གྱི་ཞལ་ཏ་མ་གཅིག་དང༌། དཔོན་ཀུན་རྡོར་ལ་མ་གཅིག་འོད་འབུམ་གྱི་ཚ་མོ་ཞིག་བླངས་པ་གཉིས་ཀ་ལ་སྲས་མ་བྱུང༌། བན་རྒན་པས་ཞལ་ཏ་མཛད་ཞལ་ཏ་བ་རེ་རེ་འོག་ཏུ་བཞག་པ་ལ་ཁྲི་དཔོན་དྷརྨ་དཀོན་ཅོག་ལ་སྲས་ཁྲི་དཔོན་ཆོས་རྒྱལ་