[A:༤༤༡]ཆེན་ཤཱཀྱ་བཟང་པོ་དང༌། དགེ་བཤེས་རིན་ཅེན་བརྩོན་འགྲུས། རིན་པོ་ཆེ་སྟོན་ཚུལ་གསུམ་པོས་བླ་མ་དང་བསྟན་པ་གདན་ས་ཆེན་མོའི་ཕྱིས་ལ་བསམས་ཏེ་བློས་བླངས་ནས་བྱོན། ཁྲིམས་ལུགས་སུ་སོང་བས་ཚལ་གུང་ཐང་ནས་ཕོ་བྲང་ཤངས་མཐོའི་བར་ལ་ཨན་ཁུར་ནས་རྐང་ཐང་ལ་བྱོན། གོང་དུ་ཐུག་བཤེར་ལེགས། ས་སྐྱ་པའི་བྱ་བ་རྣམས་གང་འདོད་ལེགས་པར་གྲུབ་ནས་ཡར་འཁོར་བའི་དུས་ཁོང་རྣམས་ས་སྐྱ་པ་ལ་ཡུས་ཆེ་བའི་མི་གསུམ་དུ་གྲགས་པ་བྱུང་ཞིང་ཆེན་པོར་གྱུར། སྤྱི་སྒོས་སུ་བླ་མའི་གནང་སྦྱིན། བརྒྱ་སྟོང་སོ་སོས་བྱ་དགའ་ཆེན་པོ་བྱས། ཁྱད་པར་དགེ་བཤེས་ཆེན་པོ་ལ་ཇ་རིན་དུ་ས་སྐྱའི་དྲུག་ཕྱ་མའི་འདབ་སྒོ་དང་ཚོང་འདུས་ཁང་ལེབ་ཀྱི་མགོ་བྱས་གྲང་ཁང་གར། ཕུལ་གྱོག་གཞིས་ཀ་རྣམས་གཙང་མར་གནང༌། སྐྱ་བཙུན་ཐམས་ཅད་ཀྱིས་བཀུར་སྟི་ཞབས་ཏོག་ཆེ་བར་བྱུང༌། དེ་སྐབས་སུ་མཆེད་གྲོགས་སྟོན་ཚུལ་བའི་གྲོས་ལ་བསླབ་གཉེར་གྱིས་དཀའ་སྤྱད་བཤེས་གཉེན་གྱི་སྙན་གྲགས་ཐོབ། ས་སྐྱ་པ་གསང་སྔགས་ཟབ་མོའི་བདག་པོ་ཡིན་པས་ད་ཡང་གསང་སྔགས་དང་མཐུན་པར་མཛད་ན་སྐུ་ཁམས་ཀྱི་འཚོ་སྐྱོང་དུའང་འགྱུར། མ་འོངས་པའི་དུས་སུའང་བུ་སློབ་རྗེས་འཛིན་སོགས་ཁྱད་ཆེ་བར་ཡོང་ཟེར་བ་ལ་གསན་ནས། ཉང་སྟོད་བྱེ་མདའ་བའི་མ་གཅིག་མཁའ་འགྲོ་འབུམ་མངོན་ཆུང་ངུའི་གྱོག་གཞིས་ཀར་བཞག་ཕྱག་རྒྱར་བསྟེན་པ་ལ་སྲས་གསུམ་བྱུང་བའི་ཆེ་བ་བན་རྒན་བློ་གྲོས་རིན་ཅེན། བར་པ་དྷརྨ་དཀོན་ཅོག །ཆུང་བ་དབོན་ཀུན་དགའ་རྡོ་རྗེ་རྣམས་བྱུང༌། བར་པ་འདི་འགྲོ་མགོན་ཕྱག་ནའི་སྲས་དྷརྨ་པཱ་ལ་རཀྵི་ཏ་དང་ལོ་ཟླ་ཞག་