[A:༦༡༨]དོན་ཆོས་ཀྱི་མངའ་བདག་སྨྱུག་ལ་མཁན་པོ་བསོད་ནམས་དབང་པོ། མདོ་རྒྱུད་རྒྱ་མཚོའི་གཞུང་ལ་བློ་གྲོས་ཀྱི་སྣང་བ་གཅིག་ཏུ་དཀར་བ་སྐྱེད་ཚལ་མཁན་པོ་རབ་བརྟན་དཔལ་འབར། མང་ཐོས་མཁྱེན་པའི་སྤྱན་ལྡན་མཁའ་རི་མཁན་པོ་བློ་གྲོས་ཆོས་འཕགས། རབ་འབྱམས་རྒྱུད་སྡེ་རྒྱ་མཚོར་མཁྱེན་པའི་སྤྱན་ཡངས་པ་འཇམ་དབྱངས་བྱང་གླིང་རྗེ་བཀྲ་ཤིས་རྒྱལ་མཚན། འཁྲུལ་ཞིག་བླ་མའི་རིགས་སྲས་ཟབ་དོན་རྟོགས་པའི་ཉི་མ་རྗེ་གཞོན་ནུ་སྟོབས་ལྡན། དཔལ་རྡོ་རྗེ་འཇིགས་བྱེད་ཀྱི་བསྙེན་སྒྲུབ་མཐར་ཕྱིན་པ་མཆོད་དཔོན་དྲུང་ཀུན་དགའ་ལེགས་པ། བླ་མའི་ཞབས་ཏོག་ལྷུར་བླངས་པས་བྱིན་རླབས་ཐུགས་ལ་ཞུགས་ཤིང་སྙན་བརྒྱུད་ཟབ་མོའི་མཛོད་འཛིན་པ་མ་ཆེན་རྡོ་རྗེ་བཀྲ་ཤིས། ངེས་དོན་ཟབ་མོས་རྟོགས་པའི་ཀློང་རྡོལ་བ་འཕགས་མཆོག་བྱམས་པ་བསྐལ་བཟང༌། བདག་ཆེན་རྡོ་རྗེ་འཆང་ཡབ་སྲས་ཀྱི་བསྟན་པའི་ཤིང་རྟ་ཆེན་པོ་དབོན་རིན་པོ་ཆེ་ཁྱབ་བདག་དབང་ཕྱུག་རབ་བརྟན། མཉན་མགོན་གདམས་པའི་སྲོག་ཤིང་མཁྱེན་རབ་ཀྱི་དབང་ཕྱུག་དྲུང་ཡིག་བྱམས་པ་དོན་གྲུབ། མདོ་ཁམས་གདུང་བའི་མུན་སེལ་ཆོས་གླིང་དྲུང་པ། མི་ཕྱེད་དད་པའི་དབང་ཕྱུག་རྗེ་མགོན་པོ་འོད་ཟེར། ཐོས་བསམ་སྒོམ་ལ་གཞོལ་བ་རྗེ་མགོན་པོ་རྡོ་རྗེ། སྤར་ཕུའི་གདན་ས་པུ་ཏྲ་མིང་སྲིང་བྲན་དུ་འཁོལ་བའི་བྲག་ཆོས་པ་སོགས་དང༌། རིས་མེད་པའི་བསྟན་པར་ཕྱོགས་བཅུར་སྤེལ་བ། རྒྱ་ཧོར་བོད་ཀྱི་སྐྱེ་རྒུ་མཐའ་དག་གི་གཙུག་ཏོར་རྩེ་མོར་ཞབས་ཟུང་འཁོར་ལོའི་རི་མོ་འགོད་པ་ཐམས་ཅད་མཁྱེན་པ་བསོད་ནམས་རྒྱ་མཚོ་དཔལ་བཟང་པོ། ཀརྨ་པའི་བསྟན་འཛིན་ཆེན་པོ་རྒྱལ་ཚབ་རིན་པོ་ཆེ་གྲགས་པ་དོན་གྲུབ། མཆོག་གི་སྤྲུལ་སྐུ་མངའ་རིས་གཏེར་ཆེན་ཉི་ཟླ་འོད་ཟེར། བྱང་པ་རིགས་ལྡན་