[A:༦༡༣]པ་ཞིག་གནང་དགོས་ཞུས་པའི་ལན་དུ་བདག་ཆེན་ཁོང་རང་ཅི་མཛད་ཀྱང་ཁོ་བོ་ས་སྐྱ་པའི་བསྟན་པའི་སྒོར་ཞུགས་ནས་གདུང་བརྒྱུད་ལ་མཐུ་མི་བྱེད་ཁྱོད་ཀྱིས་ཡོད་ན་གྱིས་ཞེས་བཀའ་བཀྱོན་པའི་རྣམ་པའང་མཛད། བྱ་གཤོང་དུ་གཏོར་བཟློག་ལ་ཕེབས་སྐབས་གནས་ཁང་དེ་ཐོག་མ་ལས་ཡངས་ཤིང་གྲུ་བཞི་ལམ་པ་གྱང་ལོགས་ལ་རྡུལ་སོགས་མེད་པའི་སྣུམ་ཞག་ཆེ་བ་དེའི་འཁོར་ཀུན་གྱིས་གསལ་བར་མཐོང༌། ཡོལ་རིན་ཆེན་གླིང་དུ་ཆོས་རྗེ་བློ་གྲོས་བརྟན་པ་མི་མ་ཡིན་དུ་སྐྱེས་ནས་སྨྱུག་ལ་བ་ཡས་མས་གནོད་ཚབས་ཆེ་བའི་གཏམ་བྱུང་བ་ན་མཁན་ཆེན་གཞོན་ནུ་བློ་གྲོས་ཀྱིས་བརྟག་པ་དང་ཡིན་ན་སྦྱིན་སྲེག་དགོས་ཚུལ་ཞུ་བ་མཛད་པའི་ལན་དུ་དེ་དངོས་བསྟན་མིན་རྒྱ་འདྲེས་བརྫུས་པས་དགོན་པ་ལ་ཆེར་མི་གནོད་གཏོར་བཟློག་འུར་ཆིལ་བ་ཞིག་མཛད་ན་སྐུ་ཉེ་ཚོར་འགྱུར་འགྲོ། མ་ནས་སྨྱུག་ལ་བ་ཚང་ལ་གང་སྟོངས་ཤིག་ཡོང་བ་འདུག་ཚུལ་གསུངས་པའི་ལུང་བསྟན་གྱི་ཐོག་ཁོ་ནར་སོང༌། ཡང་ལོ་ཕྱི་མ་ཞིག་ས་སྐྱ་ངམ་རིང་གདོང་དགའ་བ་གསུམ་རྩེ་བསྟུན་པའི་གསང་དམག་བཏང་བའི་ཚེ་རྗེ་ཉིད་རྣམ་རྒྱལ་སྟག་རྩེར་བཞུགས་སྐབས་ཡིན་གཤིས། འདར་བ་རིན་ཅེན་དཔལ་བཟང་པས་དམག་བསྡུ་གསོག་ཀྱང་མ་གྲུབ་གཤིས་རྫོང་སྤྲོད་དགོས་པ་ཡོང་འདྲ་ཞེས་རྟབ་རྟབ་པོར་གསོལ་བ་ན་བཀའ་ལས། རྫོང་རྩིག་པ་དཀའ་བ་མ་གཏོགས་སྤྲོད་པ་ལ་གནངས་མེད་ལར་ལྟེ་ཕྲག་ཕོ་ས་རུ་སྙིང་ཁྲག་འཐོར་བ་ལེགས་པས་ཚབ་ཚབ་མ་མཛད་གསུངས་ནས་ཅུང་ཟད་སོང་བ་ན་བསྐྱར་ཞུ་ཞུས་པས། ད་དམག་ག་ཙམ་ན་སླེབས་གསུང་བར་རྫོང་རིའི་རྐེད་སྒྲོལ་ཙམ་མཆོད་རྟེན་རྩེ་རིང་རྩར་འབྱོར་འདུག་ཞུས་པར། མཆོད་དཔོན་ལ་ཁྱོད་རང་ཐོག་ཁར་སོང་ལ་དམོད་ནས་འདི་