[A:༦༡༢]ཅུ་པ་གནང་སྐབས་ལིངྒ་སྐད་ངན་རྩེར་རེ་རེ་བཏོན་པ་ཐོ་ཕྱིན་ཡོད་པ་ཀུན་གྱིས་ཚོར། དེ་བཞིན་གཤེགས་པས་ལུས་ལས་ཆད་པའི་སྒྲ་གཅན་ཟིན་དང་དགྲ་ལྟར་ལྟ་བའི་ལྷས་བྱིན་ལ་ཉེ་རིང་མེད་པའི་བདེན་ཚིག་བཀའ་སྩལ་བའི་མཐུས་ལྷས་བྱིན་མ་འཇུ་བའི་ནད་ལས་གྲོལ་བའི་ལོ་རྒྱུས་བཞིན་དམ་པ་འདི་ཉིད་ཀྱང་རིས་མེད་ཀྱི་འགྲོ་བ་ལ་མ་འདྲིས་པའི་མཛའ་བཤེས་ལྟ་བུར་མཛད་པ་ལས་འཛིན་རྟོག་གི་ཕྱོགས་ལྷུང་དྲི་མ་ཅན་མི་མངའ་ནའང༌། ཉི་མས་ཆེད་དུ་བྱས་པ་མིན་པར་རྟེན་འབྲེལ་གྱི་དབང་ལས་ཟེར་འཕྲེང་གིས་པདྨ་ཁ་འབྱེད་ཅིང༌། བྲག་ཕུག་བྱང་བསྟན་དུ་ཉི་འོད་མི་འཆར་བ་དངོས་པོའི་གཤིས་ལུགས་སུ་གྲུབ་པ་མ་གོ་བར་རྗེ་ཉིད་ལ་རེ་བར་བཅའ་བའི་སྐྱེ་བོ་མཆོག་དམན་རྣམས་ཐུགས་རྗེ་ཆེན་པོས་རྗེས་སུ་བཟུང་བར་བརྟེན་སེ་དཀར་རིགས་ཀྱི་ཐིག་ལེ་འདར་ནས་ཀྱི་མངའ་ཐང་ཇེ་འཕེལ་དུ་གྱུར་པ་གདོང་དགའ་ཕྱོགས་ཀྱིས་མ་བཟོད་པའི་བདག་པོ་ཀུན་རིན་པར་ཆོས་རྗེ་ཚར་པ་འདི་ས་སྐྱ་པའི་ཆོས་ལ་མཁས་དྲགས། གདུང་བརྒྱུད་རྣམས་ཆད་ན་ཁོ་རང་ལ་བསྟན་པའི་བདག་པོ་ཡོང་དུ་རེ་བའི་རྨུ་གཤོང་གི་མགོན་པོའི་ཞབས་འོག་ཏུ་མནན་པ་སོགས་ངན་བྱེད་བྱས་ཞེས་ཕྲ་མ་བཅུག་པ་དང་བཙུན་མོ་གཉིས་ཀྱང་གདོང་དགའ་བའི་ལྕམ་ལ་སོང་བའི་རྒྱུས་ས་སྐྱ་དང་གདོང་དགའ་བརྩེ་བསྟུན་གྱི་དམག་ཤིང་བྱི་མང་མཁར་ཕྱོགས་སུ་བཏང་བའི་སྐབས་དམག་མི་རྣམས་ཀྱིས་རྨུའི་མགོན་ཁང་ལ་ལག་རྒྱག་བྱས་སྐུ་རྣམས་བཤིག་པའི་བཟུངས་བཞུགས་བདག་ཆེན་པའི་སྤྱན་ལམ་དུ་ཕབ་པས། ས་སྐྱ་པའི་བསྟན་པ་དང་གདུང་བརྒྱུད་འཕེལ་བའི་སྤེལ་ཚིག་གཟིགས་པ་ན་ཐུགས་འགྱོད་བྱུང་ཡང་ཟེར། མ་ཆེན་རྡོ་རྗེ་བཀྲ་ཤིས་ཀྱིས་དགོན་པ་ནི་དམག་གི་བཅོམ་ཟིན་འདུག་མཐུ་ཡོད་ན་རྟགས་ཐོན་