[A:༥༧༧]པོ་བྱམས་པ་བསོད་ནམས་མཐའ་ཡས། རྗེ་བཙུན་བཀའ་འགྱུར་བས་ཟུར་ཐམས་ཅད་མཁྱེན་པར་སྩལ་བས་མཚོན་ཏེ་ཞལ་སློབ་དེ་དག་ལས་ཀྱང་ཡལ་སློབ་ཉིང་སློབ་སོགས་སྲིད་མཐའི་བར་དུ་འཕེལ་ནས་རང་བསྟན་ཁའུ་པའི་རིང་ལུགས་འཛིན་པར་ཟླ་མེད་པའོ། །དེ་ནས་བྱ་རྒོད་གཤོང་གི་རྟེན་མཇལ་ལ་ཕེབས་དེ་ནུབ་རྒྱལ་བློན་ལྷ་ཁང་དུ་བཞུགས་པའི་སྲོད་ཀྱི་དུས་རྟ་རྒྱུགས་པའི་རྨིག་པའི་ཁྲབ་སྒྲ་ཆེན་པོ་དང་བཅས་འོད་དམར་པོ་ཆེས་གསལ་བ་ཞིག་དམར་འུར་འུར་བྱུང་བའི་ཁྲོད་ན་རྟ་དམར་རྒྱན་ཁྲབ་ཁྲབ་མང་པོ་བཏགས་པར་མི་དམར་ཞིག་གིས་ཞོན་ནས་སྐོར་ཕྱོགས་ལ་ཡུད་ཀྱི་སོང་ཞེས་པ་ཙམ་ལས་གསལ་བར་མི་འདུག་ཀྱང༌། ཆོས་རྒྱལ་གྱི་དུས་བྱང་གི་སོ་ཁ་བསྲུང་བར་ལྷ་སྲས་མུ་རུབ་བཙན་པོ་དང་ཞང་བློན་ལྷ་བཟང་ཀླུ་དཔལ་གཉིས་ཀྱིས་གཙོས་པའི་གཡུལ་བཤམས་དུས་ཨྱོན་ཆེན་པོས་རྣམ་སྲས་བཀུག་ནས་བསྟིམ་པའི་འཕྱར་དར་དང་ཕྱག་མཚན་བཞི་པའི་ཆོས་སྐོར་རྣམས་བྱ་རྒོད་གཤོང་དུ་གཏེར་དུ་སྦས་པ་གཉལ་པ་ཉི་མ་ཤེས་རབ་ཀྱིས་སྤྱན་དྲངས་པས་གནས་འདིར་རྒྱལ་པོ་ཆེན་པོ་དངོས་སུ་བཞུགས་གཤིས་མདུང་དམར་ཅན་ཕྱག་མཚན་བཞི་པའི་ཞལ་མངོན་སུམ་དུ་གཟིགས་པར་སྣང༌། སང་ཐོ་རེངས་ཐེགས་རྩིས་ཀྱིས་སྒོ་དྲུང་ན་ཁལ་འགེལ་བའི་བར་ལ་རྡོ་ཀྱོང་དེ་ལ་ཁྱེལ་མཛད་བཞུགས་པས་མདང་གི་རྟའི་རྨིག་སྒྲ་དེ་བྱུང་ཞིང་འོད་དམར་པོ་ཆེས་གསལ་བས་སའི་རྩི་སྦུར་ཡན་ཉིན་མོ་ལྟར་གསལ་བ་དྲུང་ན་འཁོད་པ་ཐམས་ཅད་ཀྱིས་མཐོང་བ་བྱུང༌། དེ་ནས་རྨུུ་གཤོང་དུ་ཕེབས་ཡོལ་ནས་ཤངས་ཆོས་རྡོ་རྗེའི་རྒྱས་བཏབ་ཀྱི་བརྒྱུད་པ་དྲུག་