[A:577]po byams pa bsod nams mtha' yas/ rje btsun bka' 'gyur bas zur thams cad mkhyen par stsal bas mtshon te zhal slob de dag las kyang yal slob nying slob sogs srid mtha'i bar du 'phel nas rang bstan kha'u pa'i ring lugs 'dzin par zla med pa'o/ /de nas bya rgod gshong gi rten mjal la phebs de nub rgyal blon lha khang du bzhugs pa'i srod kyi dus rta rgyugs pa'i rmig pa'i khrab sgra chen po dang bcas 'od dmar po ches gsal ba zhig dmar 'ur 'ur byung ba'i khrod na rta dmar rgyan khrab khrab mang po btags par mi dmar zhig gis zhon nas skor phyogs la yud kyi song zhes pa tsam las gsal bar mi 'dug kyang / chos rgyal gyi dus byang gi so kha bsrung bar lha sras mu rub btsan po dang zhang blon lha bzang klu dpal gnyis kyis gtsos pa'i g.yul bshams dus ayon chen pos rnam sras bkug nas bstim pa'i 'phyar dar dang phyag mtshan bzhi pa'i chos skor rnams bya rgod gshong du gter du sbas pa gnyal pa nyi ma shes rab kyis spyan drangs pas gnas 'dir rgyal po chen po dngos su bzhugs gshis mdung dmar can phyag mtshan bzhi pa'i zhal mngon sum du gzigs par snang / sang tho rengs thegs rtsis kyis sgo drung na khal 'gel ba'i bar la rdo kyong de la khyel mdzad bzhugs pas mdang gi rta'i rmig sgra de byung zhing 'od dmar po ches gsal bas sa'i rtsi sbur yan nyin mo ltar gsal ba drung na 'khod pa thams cad kyis mthong ba byung / de nas rmuu gshong du phebs yol nas shangs chos rdo rje'i rgyas btab kyi brgyud pa drug