[A:༥༥༦]འཛིན་དཀར་པོའི་གུར་ཁང་ལ་གནས་པའི། །འཆི་མེད་གཞོན་ནུའི་དྲིས་ལན་དབྱངས་ཀྱི་སྐད། །རབ་དཀར་ལྷ་ཡི་བདུད་རྩི་གསར་བའི་རྒྱུན། །ལྗགས་ཀྱི་པདྨར་སིམ་ལ་གསོལ་བ་འདེབས། གྲུབ་མཆོག་དབང་པོ་བསོད་ནམས་བསྟན་འཛིན་གྱིས། །དུད་སོལ་ལྷ་མོ་བཀའ་ཡི་བྲན་དུ་གཏད། །དཔལ་ལྡན་བླ་མའི་སྐུ་དགྲ་དངོས་སུ་བསྒྲལ། །མངོན་སྤྱོད་འཕྲིན་ལས་སྒྲུབ་ལ་གསོལ་བ་འདེབས། །ཞེས་རྗེ་བཙུན་མཐུ་སྟོབས་ཀྱི་དབང་ཕྱུག་གཉིས་སྤངས་ཞབས་སོགས་དམ་པ་བཅུ་ཕྲག་ཙམ་བསྟེན་ནས་མེ་འབར་མས་ཐོག་དྲངས་མགོན་པོ་ལྕམ་དྲལ་གྱི་ཆོས་སྐོར་རྣམས་གསན་པའི་དུས། བྱེ་བྲག་འདོད་ཁམས་མའི་སྐོར་ལ་ཚོགས་བདག་ལྟར་སྒྲུབ་པ། བཀའ་སྡོད་ལྟར་སྒྲུབ་པ། ཕྱི་པ་ལྟར་སྒྲུབ་པ། ནང་པ་ལྟར་སྒྲུབ་པ་རྫོགས་པར་གསན་ཀྱང་ས་ལུགས་ལ་རྗེས་གནང་ཟུར་བཀའ་དང་དམ་པའི་ཡི་གེར་ཡུམ་འཁོར་དང་བཅས་པ་སྒྲུབ་པ་ལ་ངོས་འཛིན་མི་གསལ་བ་སོགས་ནས་དེ་དག་ལ་ཞིབ་མོར་སྤྱོད་བཞེད་པས་བོད་དུ་གྲགས་པའི་ལྷ་མོའི་རིགས་ཀྱི་ཆོས་སྐོར་ཕལ་ཆེར་གསན་ཅིང་ཞིབ་མོར་མཛད་པ་ན། དམག་ཟོར་མ་དང་ལྕགས་ཕུར་མ་སོགས་ཁོལ་མོའི་རིགས་དང༌། རྗེ་མོའི་རིགས་དུད་སོལ་མ་འདི་ལའང་སྒྲུབ་ལུགས་མི་འདྲ་བ་མང་བའི་ས་རྔོག་གི་སྒྲུབ་ཡིག་མིང་མི་འདྲ་བ་ལས་དོན་གཅིག་པ་དང༌། རྔོག་ལུགས་ལ་རྗེས་གནང་སྒྲུབ་སྐོར་ཤིན་ཏུ་རྒྱས་པ་སོགས་གདམས་པ་ཟབ་གནད་ཆེ་བར་དགོངས་ཏེ་རྩད་གཅོད་གནང་ཀྱང་ས་སྐྱ་པ་དང་དྭགས་བརྒྱུད་པའི་ཕྱོགས་སུ་རྗེས་གནང་གཞན་མའི་རྒྱས་བཀབ་འདྲ་དང་མན་ངག་ཀྱང་ཚང་བར་མ་བྱུང་བར་ཐུགས་ཀ་མ་ཁེངས་ཏེ། ཐུགས་འདུན་ངུར་རེ་བ་ཡོད་པ་