[A:556]'dzin dkar po'i gur khang la gnas pa'i/ /'chi med gzhon nu'i dris lan dbyangs kyi skad/ /rab dkar lha yi bdud rtsi gsar ba'i rgyun/ /ljags kyi padmar sim la gsol ba 'debs/ grub mchog dbang po bsod nams bstan 'dzin gyis/ /dud sol lha mo bka' yi bran du gtad/ /dpal ldan bla ma'i sku dgra dngos su bsgral/ /mngon spyod 'phrin las sgrub la gsol ba 'debs/ /zhes rje btsun mthu stobs kyi dbang phyug gnyis spangs zhabs sogs dam pa bcu phrag tsam bsten nas me 'bar mas thog drangs mgon po lcam dral gyi chos skor rnams gsan pa'i dus/ bye brag 'dod khams ma'i skor la tshogs bdag ltar sgrub pa/ bka' sdod ltar sgrub pa/ phyi pa ltar sgrub pa/ nang pa ltar sgrub pa rdzogs par gsan kyang sa lugs la rjes gnang zur bka' dang dam pa'i yi ger yum 'khor dang bcas pa sgrub pa la ngos 'dzin mi gsal ba sogs nas de dag la zhib mor spyod bzhed pas bod du grags pa'i lha mo'i rigs kyi chos skor phal cher gsan cing zhib mor mdzad pa na/ dmag zor ma dang lcags phur ma sogs khol mo'i rigs dang / rje mo'i rigs dud sol ma 'di la'ang sgrub lugs mi 'dra ba mang ba'i sa rngog gi sgrub yig ming mi 'dra ba las don gcig pa dang / rngog lugs la rjes gnang sgrub skor shin tu rgyas pa sogs gdams pa zab gnad che bar dgongs te rtsad gcod gnang kyang sa skya pa dang dwags brgyud pa'i phyogs su rjes gnang gzhan ma'i rgyas bkab 'dra dang man ngag kyang tshang bar ma byung bar thugs ka ma khengs te/ thugs 'dun ngur re ba yod pa