[A:༥༤༩]ལའང་དག་སྣང་ཅི་ཡང་སྐྱེས། ཞེས་འབྱུང་བས་བསམ་སྡིངས་ནས་རིམ་གྱིས་འཆི་མེད་ཀྱི་གྲོང་ཁྱེར་ལ་ཅོ་འདྲི་བ་ཉང་སྟོད་ཀྱི་ཡུལ་གྲུ་རྣམས་ཞབས་ཀྱིས་བཅགས་ནས་ཤམྦྷར་དུ་ཡབ་མེས་ཀྱི་ཆོས་སྐྱོང་དཔལ་མགོན་སྟག་ཞོན་ནག་པོའི་ཆོས་སྐོར་རྣམས་གསན་པས་བསྟན་དགྲ་ཚར་གཅོད་པའི་ལྟས་མངོན་སུམ་དུ་བསྟན་ཅིང༌། རྗེ་འདི་ཉིད་ལ་རྒྱ་ཞང་ཕྲོམ། དྲང་ང་ཀུན་གྲགས། ཆོས་དབང༌། ཨྱོན་གླིང་པ་སོགས་ཀྱི་གཏེར་ནས་བྱོན་པ་དང༌། ཇོ་བོ་ཆེན་པོ། དཔྱལ་པ་སོགས་ལས་འོངས་པའི་སྟག་ཞོན་མཐའ་དག་གི་བཀའ་བབས་པའི་བེའུ་བུམ་ཀྱང་དབང་ལུང་མན་ངག་ཐམས་ཅད་ཁུངས་བཙུན་བརྒྱུད་པ་ལས་ཉེ་བར་འོངས་ཏེ་ཡིད་བརྟན་དུ་གྱུར་པ་མ་གཏོགས་ཁུངས་མེད་དང་ལུང་མེད་ཀྱི་དཔེ་ཧྲུལ་སྡུད་པའི་ཟོག་སྤྱོད་མཁན་པོ་རྣམས་དང་འདྲ་བ་ནི་མ་ཡིན་ནོ། །གསོལ་འདེབས་ལས། སྐྱེད་ཚལ་དགོན་པར་ཆོས་ཀྱི་སྦྱིན་པ་མཛད། སྨྱུག་རིའི་ཡང་རྩེར་རྗེ་བཙུན་འཕྲིན་ལས་པས། །འཛུམ་ཞལ་བསྟན་ཞིང་དགྱེས་པས་བྱིན་གྱིས་བརླབས། །གསུང་གིས་རྩེས་སུ་བསྔགས་ལ་གསོལ་བ་འདེབས། །ཞེས་པ་ལམ་ཡིག་ལས། །དེ་ནུབ་འབྲས་ཡུལ་སྐྱེད་ཚལ་དུ་སླེབ། གྲ་པ་རྣམས་ཤོལ་རག་ཆེན་པོ་དེར་ལྕོག་གྲ་བྱས། སྒེར་གྱིས་མཁྱེན་རབ་ཆོས་རྗེའི་དབོན། ངེད་ཁའུ་བྲག་རྫོང་པའི་གྲ་རིགས་ཀུན་གྱི་གཙུག་རྒྱན་རྗེ་བྲག་དཀར་རབ་འབྱམས་པ་བཞུགས་པའི་གཟིམས་སྤྱིལ་དུ་ཕྱིན་ནས་མཇལ། དད་པ་དང་དག་སྣང་བསམ་གྱིས་མི་ཁྱབ་པས་ཞལ་འཕྲོས་འབེལ་གཏམ་འར་མ་འུར་མ་བྱས་སྐྱེད་ཚལ་བའི་གྲ་པ་སྔགས་ཆོས་ཀྱི་འདོད་ཞེན་ཆེ་བ་མང་དག་ལའང་རྗེས་གནང་རིག་