[A:4a]/ /du bcug/ de nas chu 'byams nyi sgral ba'i zo chur byon/ de nas 'jam lam bdun 'grod pa'i hang chur byon/ der sgrol ma la gsol ba btab pas/ sgrol ma byon nas/ phyag g.yas spyi bor skyabs sbyin mdzad nas/ bu 'dod pas ni bu thob 'gyur zhing/ nor 'dod pas ni nor rnams myur thob/ 'dod pa thams cad thob par 'gyur zhing/ bgegs rnams med cing so sor 'joms gyur/ zhes gsungs nas zhal bstan/ dbyugs dbyung/ de nas rgyal pos spyan drangs/ sa skyar gdung rgyud spel ba'i lugs mdzad/ sa skyar so bdun pa la phebs/ bzhi thog gi go sar bzhugs/ bstan pa'i bya ba 'chad nyan sgom sgrub/ bla ma gong ma'i dus mchod/ dkon mchog gi zhabs rtog bod khams byin gyi skyong phran bde 'jags 'di dus rang dpal 'byor rgyas zer/ sgrol ma'i lung bstan bzhin sku mched rnams kyang dgung lo nga gcig yan chad la byon/ nga gnyis la rab byung snyen rdzogs mdzad/ mtshan la mo gha dhA dza shri bha tra la zhes brtags/ drug bcu re gsum pa shing pho byi ba lo la bzhi thog du gshegs/ de la sras bco lnga sras mo gnyis bcu bdun 'khrungs pa las/ dang po sman btser sras gcig 'khrungs/ chung ngu la gshegs/ lud kyi bur pa'i btsun mo drug gi dang po la rgyal po'i sras mo la dbang bsod nams bzang mo ltsam sring gnyis 'khrungs/ sras de la dbang ratna bha tra 'khrungs/ dgung lo nyer lnga la gshegs/ btsun mo gnyis pa ma gcig ngang mo la/ ti shrI kun dga' blo gros rgyal mtshan dpal bzang po yab so brgyad pa sa mo phag la 'khrungs/ dgung lo dgu pa la rtag gnyis thugs nas gsungs pas thams cad ngo tshar skyes/ rnam 'grel tshegs med du mkhyen/ dgung lo bcu gcig pa la yab mes kyi chos thams cad thugs su tshud pa'i snyan grags la brten nas/ rgyal pos gdan drangs/ bcu gcig pa la gong du byon/ bcu gnyis pa chu pho byi ba la tri shri mdzad/ lo bcu gnyis bar rgyal po la chos bka' bsam las 'das pa gsungs/ nyi shu rtsa bzhi pa chu pho khyi la bod du snyen rdzogs la byon/ dge 'dun khri phrag bco brgyad chos 'khor zhabs tog dang 'bul ba mtha' las 'das/ 'di'i 'bul yi ge deb gter chen mo na gsal bas kun gyi blor shong ba dka'/ nyi shu rtsa drug pa byi ba'i lo la yab gshegs pa'i chos 'khor mdzad nas/ mkhas btsun pa sku mched la/ shel dam gyi thog grangs bzhi thog gnang/ tri shri legs 'byung sku mched la