[A:11a - 12a]/ /sman gyi brgyud bzhir grags pa la sogs pa gzhung dang man ngag thams cad kyi tshig don ma lus par thugs nas gsungs pa la thogs pa med/ nad pa'i dpung tshogs mang po gso ba'i phyag len la 'debs pa sogs thugs rje shin tu che/ mus chen sems pa chen po rje btsun dkon mchog rgyal mtshan dpal bzang po la/ me dgyes gsang gsum gyis thog drangs yab mes kyi chos lugs rgyud gsum/ lam 'bras gu sogs kyi man ngag phra zhib/ lung rjes gnang/ bshad bka'/ phyag len la sogs pa gsan zhing bde klag tu thugs su chud pas/ bla ma 'di sangs rgyas su gzigs pa'i mos gus dang/ nang du ting nge 'dzin tshad med 'khrungs pa'i rtogs pa dang/ mdo brgyud man ngag/ bstan bcos gang gsungs kyang thugs rtog nas nyin rangs par gsungs ba la 'thogs med par mnga' bas/ gung lo zhe brgyad pa la/ dpal na leNDa'i tshogs chen mor/ sde snod 'dzin pa'i dge ba'i bshes gnyen stong lhag gi dbus su chos gsungs pa'i tshe/ mkhas pa thams cad kyi nga rgyal bcog cing/ pa 'phrog par mdzad/ 'di 'phags pa'i sprul pa yin nges zhes kun gyi mthun par smras/ ting nge 'dzin la bcud mnyam par bzhag pa na/ bde ba can sogs dag pa'i zhing khams gzigs pa dang/ phyi nang gi rten 'brel thags su chud pas ma 'ongs pa'i lung ston pa la thogs pa med/ dper na/ na leNda tshogs spyi pas gdan sa su 'os kyi 'dem mang po zhu ba la/ sa skyar byon nas so so'i zhe 'dod 'os rigs zhus pa'i tshe/ zhwa lu ri phug na/ sku zhang chos rje bzhugs pa spyan drongs/ rten 'brel phun gsum tshogs pa dang bstan pa la 'gro phan rgya chen po 'ongs ba zhes bka' bstsal pa ltar/ mkhrum chen po chos kyi rje rin po che mkhyen rab mchog grub dpal bzang po/ kun mkhyen rong ston chen po'i gdan sar lcags mo phag la phebs nas deng sang gi bar du 'das chos kyi 'khor lo bskor bas sde snod 'dzin pa stong phrag dang// gzhan yang dge 'dun mtha' yas pa 'du zhing bstan pa dang 'gro phan chen po byung ba 'di yin/ gnang bded chen po 'di'i rtogs pa nang nas rdol ba nges don gyi dgongs pa rang dbang du 'char ba gcig yin/ bzhi thogs pa rje btsun kun dga' dbang phyug e wam chos ldan gyi gdan sa pa kun dga' dbang phyug/ chos rjes sangs rgyas dpal ba mkhas pa chen po dpal rgyal ba la sogs pa'i dbang dang gdams pa mnga'/ bzhi thog gi go sar bzhugs nas/ bstan pa dang 'gro ba la phan pa rgya cher mdzad nas/ gung lo nga gnyis pa shing mo yos kyi lo zla ba dgu pa'i tshes bzhi la me tog gi char/ lha'i rol mo'i sgra/ dri zhim po'i ltas ngo mtshar dang bcas te/ bzhi thog bla brang du bde bar gshegs so/ slob dpon chen po mthu stobs bsod nams rgyal mtshan pa la sras