[A:10b - 11b]'dzin du ma bsten/ rnam 'grel la mkhas par sbyangs te mkhyen/ gdan sa chen por che 'don mdzad chos khri thang du chos gsungs/ chos skyong bran du bskol ba sogs mthu nus che gung lo don lnga pa chu pho 'brug lo la bzhi thogs su gshegs/ de'i gcung slob dpon chen po bsod nams rgyal mtshan dpal bzang po bdag po mthu stobs par grags pa/ sa pho byi ba la 'khrungs/ chos skyong che chung 'khor bcas dang/ rdo rje 'jigs byed sogs la bsnyen bsgrub yun ring du mdzad pas mthu nus bsam gyi mi khyab pa'i yon tan mnga' bas bdag po mthu stobs par grags/ mdo khams du phebs thams cad dad par mdzad/ gung lo zhe gsum pa lcags pho rta la mdo khams su gshegs/ slob dpon chen po 'jam dbyangs nam mkha' rgyal mtshan pa la sras gnyis 'khrungs pa'i gcen bded chen rgya gar sheb rgyal mtshan dpal bzang po me pho 'brug la 'khrungs/ skyes stobs kyi shes rab phun gsum tshogs pa/ 'jam dbyangs dkon mchog bzang po sogs bshes gnyen mang du bsten/ yab chos kyis thog drangs chos tshul rnams las sbyangs pa mdzad/ skam sar chu 'don pa sogs grub pa'i rtags mang du mnga'/ bar skabs su mdo khams su phebs/ tshogs chos rgya chen po bskor/ zang zing gi 'bul ba dpag tu med pa byung/ dbus gtsang du byon pa'i lam/ dpal na leNda na leNDa'i gdan sar bzhugs pa'i gsol ba btab pas chu pho rta nyi su rtsa bdun pa nas shing mo bya'i bar lo ngo bzhi bzhugs/ de nas gdan sa chen por bzhi thog gi gdan sa la bzhugs te/ bstan pa'i bya ba rgya cher mdzad nas/ nga dgu pa shing pho stag la shab dge rdings su gshegs/ de'i gcung bded chen po 'jam dpal dbyangs blo gros rgyal mtshan dpal bzang po shing pho byi ba la 'khrungs/ yig kyog la sogs pa brda bstan pas thugs su chud/ chos kyi bag chags sad pas gzhon nu nas lung rigs dang/ ting nge 'dzin mang po thugs rgyud la 'khrungs/ 'jam dpal dkon mchog bzang po la rnam 'grel sogs sde snod mang po gsan sbyong mdzad pas tshegs med par mkhyen/ skyes stobs kyi blo gros shin tu che ba/ nyid kyi yab la chos rnams gsan/ chos skyong che chung gi zhal bstan bka' sgo nyan pas bran du 'khol/ zhal gzigs kyi thang sku so sor mang du bzhengs/ nam bzhengs pa rnams chos skyong grung re 'dun du bso ba'i tshe mngon sum du byon nas/ mis lab pa bzhin lung ston par byed/ nyang stong rgyal 'khar rtse'i bdag po yab sras kyi 'dzugs gtor zhus pas/ lo gsum gyi bar du gtor ma ces 'phral gzhan du gnas pa ma gtogs/ skem gas cung zad kyang med par grags/ bzo rigs sku gzhon nu nas mkhyen/ mgon po lcam dral gyi sku sogs phyag gis bzhengs pa mdzad/ gso ba rig 'i tshul kyang yan lag brgyad pa dang/