[A:37b-264] sogs la thegs pa gnang ngo/ dgung lo so gsum pa shing mo yos la/ tshogs pa bdag chen nam mkha' rdo rjes spyan drangs te byang ngang rings la thegs/ de dus mkhan chen chos dbang pa'i drung du dam bca' phul ba bzhin chos khrims kyi thugs khur bzhes/ dge 'dun gyi nang khrims dam pa'i chos 'dul ba las ji ltar 'byung ba bzhiin legs par bsrungs/ de'i tshe rje nyid sngar gsan sbyong gi dus su/ mkhan chen rin po che rab 'byor seng ge'i sku bcar rnying pa zhig la bag med du longs spyod pa'i mthong chos kyi rnam pa'i/ sku 'du ba spyi / phyi/ 'khrugs pa'i snyun gyis btses pa de lta bu la/ phyis mkhan chen rin po che'i na bza' la thugs bed spyad pa snyun pa'i rkyen du 'gyur ba ji ltar lags zhus pas/ deng bla ma sangs rgyas dngos kyi 'du shes yod pa'i mthu yin/ khyed rang rnams kyis bla ma dngos la 'gongs kyang de lta bu'i mthong chos mi 'byung/ de dus snyun drag po des sku brin du ngal ba'i rnam par yod na'ang/ rgyal ba'i sras po rnams ni rkyen ngan pa sna tshogs la gzhar yang skyo ba med pa'i tshul gyi gzhan gyi don la brtson pa mi 'dor bas/ skabs deer/ rje nyid dang/ mkhan chen lhun grub bkra shis pa dpon slob gnyis kyis/ tshogs sde'i dge 'dun rnams la mdo sngags kyi chos kyi 'khor lo mtha' yas pa skor ba'i dus der/ nye gnang sher mchog pas/ mkhan chen lhun grub bkra shis pa'i drung du/ phar phyin blo gsar gra skor sbrel ba na shin