[A:37a-263] / /po dang bcas pa byung bas shin tu legs dgongs pa dang/ tshogs dpon slob kyis/ phebs pa'i mchod 'bul gyi rnam pa gsol ja 'bul nod rgya chen po mdzad pa'i tshe'ang/ yang dag par rdzogs pa'i sangs rgyas kyi 'phel gdung rnam grangs la yod pa/ rje nyid kyi phyag la bdar de phul bas/ dgyes pa'i tshul gyis yun ring po'i bar zhal 'dzum bag dang ldan zhing spyan gyis btsa' ba de lta bu ni rjes sor/ sku skye phyi ma nyid kyi mkhan por mnga' gsol ba'i rten 'brel du'ang 'dug gsung/ de nas zhal ras lha khang du phebs/ nang so zhal ngo tshogs pa dpon slob/ gzhi gzhis byes kyi dge 'dun grangs med pa dang bcas pa la/ rje nyid kyis zhu ba po gnang te/ byang chub sems dpa'i spyod pa la 'jug pa'i lung sogs gsung chos mang ba gnang/ 'gro ba kun gyi ngag la/ rje karma pa'i phyag nas gang gis kyang mi 'thogs par phebs pa yin zhes grags pas/ rje nyid kyis kyang thams cad mkhyen pas nub phyogs nas phyag nas 'thor ba'i tshe/ shar phyogs su bzhugs te sku chos kyi thu ba bzed pa na char chen po bab pa ltar byin rlabs kyi rten ngo mtshar ba'i gnas su bzhugs/ rje karma pa 'di sa bcur gnas pa'i sems dpa' chen po yin nges par 'dug dgongs pa'i dad pa gsum gyi rnam par dkar ba 'phel bar gyur to ces gsung/ de nas rim par po ta la dang / 'tshur phu