[A:35b-260] bshad pa'i rigs rnams dgongs pa gcig nyid du gtan la phab nas de rnams snying po'i mdo lnga la sogs pa 'khor lo tha ma'i mdo rnams dang sbyar te bshad pa mdzad pa'i tshe/ mkhas pa'i dbang pos/ khyed rang bzhugs dang/ de ring khong gi bshad pa nyan pa yin/ nges pa'i don mthar thug pa'i bshad pa 'di lta bu nyan chog pa rang re rnams skal ba bzang ba yin mod gsungs te/ nyi ma gsum gyi bar du mngon rtogs rgyan la bshad pa mdzad pas/ nam mkha' nas lha rnams kyis me tog gi char phab/ rje btsun paNDi ta chen por gtso bor gyur pa'i bzhugs gdan der 'khod do cog gi skyes bu dam pa rnams kyis kyang/ dge ba'i bshes gnyen 'di lta bu 'jig rten du 'byon pa u duwa ra'i me tog pas kyang ches dkon zhes mgrin gcig tu bstod do/ /de nas gzung ste/ mkhas pa'i dbang po'i drung du shes rab kyi pha rol tu phyin pa'i phyogs kyi dogs gcod zhu ba kun la/ sher phyin mdo'i dgongs pa 'grel ba dka' bcu ba chos grub pa mi pham mgon po gnyis pa lta bur 'dug pas khong la dogs pa chod gsung ba bzhin kun gyi dogs pa'i 'phrang rnams bsal/ de dus dgongs pa la/ bstan bcos rnam 'grel 'di zab mo gzhan stong dang sbyar nas bshad na/ dpal ldan chos kyi grags pa la sri zhu chen po bgyis par 'gro ba 'dug na'ang/ slob dpon rin po che'i yig cha rnams kyi phrin las la phan gnod dogs de 'dra'i bshad srol ma nus