[A:35a-259] / /pa bsten pa dang tshogs na spyod pa nyid bstan pa dang sems can gyi don rlabs che 'gyur ba la gdon mi za bas/ da res drung pa spyan 'dren la mngags 'dug pa bzhin lhan du thegs pa nga legs/ de ltar ma gnang na chos tshig cig gis 'brel ba'i bla ma dam pa'i bka' bcag tu mi rung bar/ rgyal ba'i bka' dri ma med pa rnam las gsungs tshul ni dgongs pa ltar lags pas/ nged dpon slob thams cad kyi gsung bcag na/ dka' bcu pa rang gi'ang gnas skabs dang mthar thug gi rten 'brel chen po 'chug pas ces kyang gsan dgongs yod pa zhu gsung ba'i gsung ba'i bka' nan ma chog par/ rje'i drung du phyag 'bul smon lam rnam par dag pa dang bcas pa mdzad de lhan du phyir phebs/ mkhas pa'i dbang po dang mjal te thugs dgyes pa chen pa dang ldan pa'i mod nas/ dpon slob rnams 'phreng bu dga' ldan gling gi chos bar la thegs/ der gling smad paNDi ta chen po bzhugs te/ rje btsun chen po de nyid kyi drung du dbus gtsang khams gsum nas 'dus pa'i dge ba'i bshes gnyen grangs med pa la chos kyi 'khor lo bskor ba'i tshe/ skabs shed du dpon slob gzhi gzhis byes rnams la mang ja sbrel ma zhag 'ga' byung ba'i dus/ rje nyid chos lung dka' bcu ba dang bgros gleng la bzhengs/ der rje nyid kyis mngon rtogs rgyan/ mdo sde rgyan/ rgyud bla ma/ sa sde nas