[A:70b-330] mgon byams pa gling gi chos sde chen por phebs/ nyer bzhi'i tsha rting ma nas byams khang du sman bla'i smon lam rgyas pa/ rnam thar sgo gsum du thams cad mkhyen pa spyan snga rin po che'i bzhugs gdan sor bzhag gi thog nas/ gzhis byes kyi dge 'dun 'dus pa rgya mtsho'i gtso bo gnang ba'i bsngo ba'i dus/ gtam gzhung sogs sgrigs ma lta bu ma lags pa'i chos 'byung mtha' dag gi don lhongs nges dang/ mthun gyur rnams kyang zhag gras kyi bar ma zlos pa sogs kun ngo mtshar ba'i gnas su gyur/ khyad par nyin dang po'i yon yongs su bsngo ba'i skabs su/ mi dbang yum sras dang bcas pa zhal las byung ba'i rten 'brel gyis/ ngo bo rang la mi dbang rin chen kun dga' chos skyong grags pa rnam rgyal dpal bzang po nyid bar du gcod pas mi brdzi bar sku bltams pa'i snga ltas su 'dug bka' phebs/ smon lam chen mo grol nas mchod yon rnams pho brang chen po rgyal chen gling du phebs/ dgyes spro'i bsnyen bkur phun sum tshogs pa ma tshang ba med pas mchod cing/ de'i ngang nas spyi gzims khang nas sku khyos kyi tshul du 'bul ba yang dag par mdzad/ tshes bco lnga la rgyal gling na khar gur cha ther gyi rim pa rnams phub te 'chi med kyi gnas su phebs pa lta bu'i bkod pa bshams/ der mchod yon thams cad phebs pa'i/ dge 'dun