[A:70a-329] / /dang bcas pa/ rten khebs lom bskor ma/ karma gan dkar rgya shugs dang bcas pa/ rgya dril/ gos phyi nang/ ja sig zung 'brel/ chibs chibs rol sogs dgu tshan gsum gyi 'bul ba dang/ dge 'dun spyi sor/ la ta hUM lto sbyar gyi snam sbyar/ ja sig bcu gnyis/ rnam bzhag dgos pa dang bcas pa phun sum tshogs pa gnang/ nang so sengs dpon g.yog la'ang phyi gzims khang nas skyes dpag tu med pa stsal ba nas phyir thegs/ de nas nang pa sgog mkhar nas mgo lung do dam pa mdzad pa'i ngos nas/ de nas zla ba drug pa'i tshes bcu gsum la dpo mang sne'ur bteg/ bcu bzhi la tshogs pa dpon slob kyang sne'ur phebs/ rim pas snye mda'/ lum pa rnams su zhag re gnang/ lum pa nas nang pa sgog mkhar ba dpon g.yog kyang gnang sbyin rgya chen pos mnyes par mdzad de chu shul la phyir thegs/ de nas skyid gshongs dang/ lhun grub lha rtse rnams su zhag gsum re gnang te/ nyer gsum gyi nyin dge 'dun sgres chos khrims dang bcas pa la/ lhun grub lha rtse nas rta g.yar dang/ mgar tsha nas gra'ii rta g.yar rnams kyi bsu ma/ gra thang du mi dbang chen po rin chen bkra shis dpon blon rnams phebs/ bsu ja sogs legs par gnang/ rgongs ja'i thog dpal