[A:57a-303] / /bzhes pa zhu/ ngeed kyis phul ba 'di bzhes pa 'thad ces mda' rgod sgro ma shin tu legs pa le rgan dar gyis mgul pa bkris pa'i logs la/ oM ma hA rA dza yakSha sa ma ya bai shra ba Na ya barba tsitta ratna hrim hrim dzaH dzaH zhes pa'i srog sngags gser gyis dbu can du bris pa cig phul byung bas/ shin tu dgyes pa'i mod la mnal sad pa dang/ de ma thag chos skyong la bstod pa phul chog pa'i mtshan ma yin par dgongs te/ dkar me la phyag bris gnang ba ni/ bai dpal ldan sa bcu'i dbang phyug sems dpa' che/ /'jig rten skyong ba'i tshul 'dzin rnam thos bu/ /snang ba dbang du bsdud mdzad mdung dmar can/ /gus pas bstod do tshe dang dpal stsol mdzod/ /ye shes las grub rin chen pho brang dbus/ /'jigs bral seng ge pad ma zla nyi'i stengs/ /bai yig las 'khrungs ri dbang ltar brjid sku/ /rgyal po rol pa'i stabs kyis bzhugs la bstod/ /thugs rje'i chags pas pad ma rA ga'i mdog / sku'i 'od kyis skye 'gro dbang du bsdud/ /zhal gyis sgo nas rin chen char ba 'bebs/ /phrag gong nyi zla'i 'od zer 'bar la bstod/ /stag gi rgyal mtshan lha min dpung tshogs 'joms/ /dbang gi mdung dar srid zhi'i dpal kun bsdud/ /rin chen lcags kyus 'gro ba'i yid bkug nas/ /gter gyi ne'u lees dngos grub stsol la/