[A:༨༤] ལས་བཀའ་བབས་ཀྱི་ཆུ་རྒྱུན་ཆེན་པོ་བཞི་བབ་པའི་རྒྱུན་འཛིན་པར་བྱེད་པ་ནི་རྗེ་བཙུན་ས་སྐྱ་པ་ཆེན་པོ་ཧོ་ན་ཡིན་ཏེ་འོག་ནས་འཆད་པར་བྱེད་དོ།
ཞ་ལུགས་པ་རྣམས་ཀྱིས་འབྲོག་མི་རྒྱ་གར་དུ་ལན་གཉིས་བྱོན་པའི་དང་པོ་ལ། ཤན་ཏི་པ་སོགས་ཀྱི་དྲུང་དུ་ལོ་བརྒྱད་བཞུགས། དཔའ་བོ་རྡོ་རྗེ་དང་ཞལ་མཇལ་དབང་ཟབ་མོའི་དྲིན་ཐོབ་ཙམ་བྱས་ནས་བོད་དུ་བྱོན། སླར་རྒྱ་གར་དུ་བྱོན་དཔའ་བོ་རྡོ་རྗེའི་དྲུང་དུ་ལོ་བཞི་བཞུགས་ཞེས་འཆད་པར་བྱེད་དོ།
དེ་ནས་མར་པ་སྔ་སྟེ། སུམ་སྟོང་བརྒྱ་དང་ཞེ་བཞི་འདས་པའི་ཞེ་ལྔ་པ་ཆུ་ཕོ་བྱི་
སྤྱི་ལོ་༡༠༡༢
ལོ་མར་པ་བལྟམས། འཕགས་ཡུལ་དུ་ལན་གསུམ་བྱོན། བཀའ་བབས་ཀྱི་བླ་མ་བཞིའི་ཟབ་དོན་བདུད་རྩིའི་བཅུད་ཐོབ་པ་ཏིལ་ལོ་པའི་དངོས་སློབ་ནཱ་རོ་པན་ཆེན་གྱི་གསུང་གི་བདུད་རྩི་ལོངས་སྤྱད་པས། བཀའ་བརྒྱུད་ཅེས་པའི་སྒྲ་བོ་ཆེ་འདི་ཁོང་ནས་དར་བ་ཡིན་ལ། དེ་ཡང་ཏིལ་ལོ་པ་ལ་བཀའ་བབས་བཞི་ཇི་ལྟར་བྱུང་ན། ཕྱག་རྡོར། ས་ར་ཧ། ལོ་ཧི་པ། དེམ་ཀི་པ་ལས་བརྒྱུད་པ་དང་པོ་ཕྱག་ཆེན་གྱི་བཀའ་བབས་བྱང་ཆུབ་སེམས་དཔའ་བློ་གྲོས་རིན་ཆེན། ཀླུ་སྒྲུབ། མ་ཏང་གི་ལས་གཉིས་པ་ཕ་རྒྱུད་ཀྱི་བཀའ་བབས། མཁའ་འགྲོ་མ་སུ་མ་ཏི། ཐང་ལོ་པ་ཤིང་ལོ་པ། ཀརྣ་རི་པ་ལས་གསུམ་པ་མ་རྒྱུད་ཀྱི་བཀའ་བབས། བིརྭ་པ། དོམབྷི་པ། བི་ན་པ། ལ་བ་པ། ཨིནྡྲ་བུ་ཏི་ལས་བཞི་པའི་བཀའ་བབས་སོ། དེ་ཡང་ཏིལ་བརྡུང་ཞིང་དངོས་གྲུབ་བརྙེས་པས་ཏིལ་ལོ་པ་ཞེས་བྱའི། ཏྲེ་ལོ་པ་ཞེས་དང་། ཏེ་ལ་སྟེ་ཞེས་པའི་གླུ་ལེན་ཏེ་ལེ་པ་ཞེས་འཆད་པ་ནི་མ་དག་པ་ཁོ་ནའོ།
དེ་ལྟ་བུའི་མར་ལོས། འཕགས་ཡུལ་དུ་བླ་མ་བརྒྱ་རྩ་བརྒྱད། བཤད་སྲོལ་འཛིན་པ་ལྔ་བཅུ། སྣང་བ་འགྱུར་ངེས་བཅུ་གསུམ། ཁྱད་པར་དུ་