[A:42b]can zhes bya bar de bzhin gshegs pa gser 'od rnam par rtsen pa zhes bya ba'i bstan pa la/ da lta 'khor los sgyur ba'i rgyal po bsod nams mtha' yas zhes bya ba bzhugs/ de'i sras 'khor los sgyur ba'i rgyal po yon tan mtha' yas su skye'o zhes pa'i sgra bar snang la grags so zhes gsungs so/ /dgung lo zhe dgu pa la ru mtshams su snga res byon pa'i mnal lam du ri chen po cig gi zhol na/ khang pa chen po gcig gi 'og na yang mi mang po rong rong 'dug steng na yang mi mang po 'dug pa'i dbus na bla ma yab sras bzhugs pa'i drung nas gzhan zhig tu bzhud dgongs tsa na/ bla ma yab sras kyis bzhi pa'i lam bstan nas mi snang bar gshegs/ steng gi mi rnams la khyed rang 'gro 'dod na nga'i zla la shog lam rgyus nga la yod pa yin byas nas ri de'i phrad la nub phyogs su byon pa dang / mi rnams langs nas phal cher rje btsun gyi phyi la byung / 'ga' zhig langs nas de nyid na 'dug 'og na g.yang sa cher yod pa'i lam cig 'dug pa la/ zhal byang du gzigs te brag them cig la 'dzegs nas 'di na yar shog byas pas mi brgya tsam phyi na yar byung / gung ston la sogs pa 'ga' zhig gung thang du 'gro zer nub phyogs su song ngo / /mang po gcig nged kyis mi thar zer te de na 'dug mi de rnams kyi nang nas phyag rgya chen po pa bya ba rbab tu lhung zer/ ma shi'am byas pas ma shi zer/ da khyed rang rnams shog byas nas bzhi pa'i lam bstan te/ der dpon g.yog 'thon pa rnams yar byon pa'i byang ngos na ri zur zug po cig 'dug shar ngos na gong nyag cig 'dug pa la ri la