[A:40b]rtogs/ sgrub thabs brgya rtsa'i TI ka shAkya'i rgyal po'i gdung rabs/ bod kyi rgyal po'i rgyal rabs mdor bsdus pa/ rgya bod kyi sde pa'i gyes tshul/ dus tshod nges par bzung ba'i rtsis/ ga ring rgyal po la rtsis bsdur gyi yi ge las dang po pa'i chos spyod rin chen phreng ba/ sdom pa nyi shu pa'i 'grel pa/ spyod 'jug gi sa bcad/ phyag yig dgu phrugs kyi yi ge nyams dbyangs chen mo sogs gsung mgur gyi tshogs du ma/ sman dpyad rgyal po'i dkor mdzod rnams la sogs pa/ bla ma 'dis mdzad pa'i bstan bcos rnams ni sdeb sbyor gtso bor mi mdzad par phan pa lhur mdzad mod kyang / brjod bde zhing rtogs sla la rna bar snyan pas mkhas pa rnams kyi yid 'phrog pa kho na yin no/ /bla ma rje pa 'di'i mchan dang 'khor lo'i dpe bris mdzad pa ni/ gnyags ma/ lam 'bras gegs sel mchog dbang gsum grol lam la brten te bskur ba/ bsam mi khyab kyi gzhung rin chen 'bar ba/ dril bu skor gsum/ sbyong rgyud/ dpa' bo gcig tu grub pa'i rgyud/ phyag 'tshal nyer gcig gi mngon rtogs/ lam gyi yan lag dang bcas pa nyi ma sbas pas mdzad pa/ smra sgo mtshon cha lta bu'i mchan dang / dpa' bo gcig sgrub kyi dpe bris rnams mdzad do/ /gzhan yang grub pa'i mtshan ma ngo mtshar ba thob pa ni/ yi dam lhas byin gyis brlabs pa dang / bsams na shes pa'i mngon shes dang / lha klu dag gis dris pa'i the tshom sel ba dang / dgos pa khyad par gyi tshe lha klu la sogs pa ji ltar bsgo ba nyan pa dang / nyid kyis rtogs par dka' ba 'ga' zhig dgos pa khyad par