[A:39a]bsgom gyin byon nas khri thog tu phebs pa dang / dbu rgyan la rigs bdag tshar yong / chos gtor de la thun gtor gyi dod mdzad/ chos gsungs pa la bzlas pa'i dod mdzad cing / chos thon pa dang yang yar la bde mchog gcig bsgom gyin gshegs te/ mdor na nyin zhag phrugs re la dkyil 'khor mi 'dra ba bdun cu tsam re bsgom/ gzhan yang yang na thugs dam/ yang na gzigs rtog yang na chos gsungs pa ma gtogs sku gsung thugs tha mal du bzhugs pa sus kyang mthong ma myong skad do/ /gsum pa la bshad pa mdzad pa ni/ gzhung ji ltar dka' zhing ma 'dris kyang snga lta mi dgos par ngag don sleb pas slob ma rnams kyis rtogs par sla ba yin no/ /rtsod pa ni/ gzhan gyis brtsad cing dris pa na spobs pa mi thogs pa lung rigs kyi sgo nas chos dang mthun par lan 'debs pas pha rol po'i log rtog sel ba yin no/ /legs par bshad pa'i cha gsung rab gsar du mdzad pa yang lam 'bras brgyud pa'i gsol 'debs/ brtag gnyis kyi 'grel pa dag ldan/ rgyud gsum gyi mngon rtogs rin po che'i ljon shing / rgyud sde'i dum bu brgya bcu gsum pa/ stong thun sa bcad/ rje btsun sa skya pa chen po'i rnam thar/ slob dpon rin po che'i rnam thar tshigs bcad ma/ rje btsun nyid kyi mnal lam gyi rnam thar/ rgyud 'bum gyi dkar chag bla chen mal gyi chos skor gyi dkar chag kye rdo rje'i chos skor gyi dkar chag tshar gsum khug pa'i man ngag kye rdo rje'i mngon rtogs yan lag drug pa/ ba ri lo tsA ba'i lugs kyi kye rdor