R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:37a]bsus nas kyang / /dag pa'i lam nas bde ba can du gshegs/ /nyid bde kho bo mi dga' ci zhig bsam/ /khyod nyid mdzad spyod phyag bzhes dran pa'i tshe/ de bas bdag nyid sdug bsngal che gyur nas/ /zhi ba'i thabs shig mgon pos gsung du gsol/ /zhes gsungs pas/ mdor na las dag pa rnams kyi snang ngor lus ma spangs par gshegs pa dang / gdul bya thun mong ba rnams la myang ngan las 'das pa'i tshul bstan pa'i sgo nas dag pa'i zhing gi mchog bde ba can du thogs pa med par gshegs pa yin no/ /dam pa 'di las bstan 'dzin gyi bu slob kyang rang gi gcung rje btsun rin po che sku mched dang zhu byas dngos grub/ rmog ston la sogs pa 'gran zla dang bral ba du ma zhig byon nas rgya mtsho'i gos can mdzes par gyur to/ /'dir smras pa/ gang sku zhal dkyil zla ba rgyas pa la/ /utpal spyan dang 'dzum mdzes mdangs gsal ba'i/ /sku yi snang cha mthong ngam dran gyur tshe/ /dwang ba'i dad pas dbang med yid rab 'phrog /de gsung mdo rgyud rgya mtsho hub gcig gis/ /legs gsol snying po bkod pa'i gsung rab tshogs/ /mthong tshe de don rtogs 'dod rtse gcig pa'i/ /nam yang mi g.yo'i ting 'dzin nyid la bkod/ /dam pa gang thugs zab gsal
sdig pa'i mngon brjod
nog bral ba'i/ /rang bzhin nyid las nam yang ma g.yos zhes/ /rnam thar mthong bas 'jam pa'i rdo rje dang / /tha dad med pa'i dbyings su yid ches bskyed/ de phyir 'jam dbyangs dge bsnyen tshul 'dzin khyed/ /mi mngon dbyings nas thugs rje'i dpung bskyed