[A:36b]zhig gi mthong snang la slob dpon nyid khyi mo zhig dang lhan cig tu chu mig rdzing kha'i stod kyi brag steng / de nas 'phur te nam mkha' la je mthor song ba mngon sum du mthong bar grags shing / brag de la slob dpon rtse mo nyid kyi zhabs rjes dang khyi mo'i rkang rjes kyang gsal bar byung ba 'gro ba rnams kyi bsod nams gsog pa'i zhing du bzhugs pa la/ dus phyis sngags 'chang chos kyi rgyal po ngag dbang kun dga' rin chen gyis brag de la rgyab yol sogs kyi zhabs tog gnang ba 'di yin la/ yang rnam thar 'ga' zhig las ni chu mig rdzing khar gshegs zer ba dang sgo rum dpe khang du gshegs zer ba sogs kyang bshad cing / gdung thal las grub pa'i mchod rten sogs kyang bzhugs pa dang / slob dpon nyid gshegs dus rje btsun gyis mdzad pa'i gsol 'debs las kyang / de ltar 'gro ba'i don mang mdzad nas kyang / /dgung lo zhe gcig chu stag smal po yi/ /dkar phyogs bcu la rje gcig bla chen de/ /rdo rje 'chang dbang thugs dang dbyer med gyur/ /sku gsung rten la chos kyi mdzod nang du/ /phyag gnyis rdo rje dril bu sbrel mdzad nas/ /zhen pa kun spangs bla ma dkon mchog mchod/ /bde nas bde ba can du 'gro zhes gsungs/ /slar yang gzims sar gdan la skyil krung mdzad/ /phyag gnyis mnyam gzhag ting 'dzin bsgoms pa'i mthus/ /mkha' la sgra dang 'od kyis rab bkang ste/ /nyid kyis bde ba can zhes zhal gyis bzhes/ /de tshe sngags dang glo bur rol mo'i sgra/ /dri zhim mchog gis phyogs bcur gang bar 'khums/ /mkha' 'gro bye ba'i tshogs kyis