[A:314a]brnyan gser zangs las grub pa sogs kyi nang du bzhugs su gsol zhing / gzhan yang nyid kyi sku tshab dbu rtse rnying ma na bzhugs pa'i lam 'bras brgyud pa rnams dang sku tshad mnyam pa'i gser sku gsar bzhengs su bgyis shing / gzhan yang lo dus zla dus kyi mchod par kye rdo rje'i rtsa rgyud brtag pa gnyis pa'i rgyud 'don/ bla ma mchod pa'i cho ga 'khor lo bde mchog gi sgrub mchod rdul tshon ma sogs nar mar bsgrub pa 'di legs/ de'i gcung gi tha snyad du gyur pa/ sbas pa'i sangs rgyas mi gzugs can sngags 'chang grags pa'i mtshan can zhabs kyi sras kyi tha chung kho bo cag ni/ yab rje chos kyi rgyal po dgung lo sum cu rtsa lngar phebs pa me mo bya'i lo dpal sa skya'i lha chen phun tshogs gling gi bla brang du skyes so/ /skyes sbyang gi blo gros cher dman pas lugs gnyis gang la yang blang dor shes pa'i rnam dpyod dang bral/ chags sdang rmongs gsum la longs spyod pa'i ngang nas za nyal 'chag gis dus 'da' zhing gnas pa kun gyis gzigs gsal du phebs pa 'di yin la/ 'on kyang nged rang chung ngu nas chos kyi bag chags ches che ba'i stobs kyis gzhon nu rab byung bstan pa'i sgor zhugs nas mi tshe bshad sgrub kyis 'da' ba zhig 'dod kyang / dus kyi dbang gis bod kyi rdo rje gdan dpal ldan sa skya'i bstan pa stobs kyis 'dzin pa zhig rang ngos nas ngal ba lhur len ma bgyis na/ spyir bod khams kyi bde skyid dang / bstan pa yongs/ lhag par sa skya'i rtsa ba stong pa la thug pa nas mi theg bzhin du gdan sa'i lugs gnyis kyi khur 'di bzhin