[A:308b]ngos la byon te bar snang la yal song ba mthong bas/ de ma thag tu bu mo chung ngu de nyid rang gi ma'i rtsar byung ste sngar gyi lo rgyus rnams sgrib med du smras byung ba na/ ma yang ha las te da lo gong bzhugs sku shin tu ma bde ba'i tshul gleng ba la/ khyod kyis mthong snang byung tshul de bzhin smras na chad pa yang yong bas su la yang ma zer cig ces gdams so zhes kyang thos la/ de lta bu ni sngon slob dpon bsod nams rtse mo dag pa mkha' spyod du gshegs pa sa skya'i rgan mo las dag pa zhig gis mngon sum du mthong ba dang tshul mtshungs pa'i gzhan las ches khyad par du 'phags pa'i rnam par thar pa yin no/ /de nas sa ga zla ba'i tshes bcu bdun la babs pa'i tshe/ de'i mtshan hril po gsung shugs chen po dang bcas nas thugs dam zab mo 'ba' zhig la bzhugs nas/ tho rangs kyi cha zin pa na lam zab mo bla ma'i rnal 'byor smin rgyas su mdzad cing / rten mchod rnams la spyan yang yang du gzigs pa'i ngang nas zhing 'di'i sku dngos kyi gdul bya'i don rnams re zhig mthar phyin nas/ skye bo rtag 'dzin can rnams dge la bskul ba'i phyir dang / zhing gzhan du gdul bya smin grol la 'god pa'i phyir rgyud sde nas gsungs pa'i 'da' kha ma zab mo la mnyam par bzhag ste bde bar gshegs pa'i tshul bstan to/ /de nas tshes bco brgyad kyi nyin mtshan gyi bar la 'od gsal ma bu ro gcig tu 'dres pa'i zung 'jug bde ba chen po'i ngang du mnyam par bzhag nas/ bcu dgu'i tho rangs kyi tshe de nyid las bzhengs te/ sku 'khor ba kun gyis gsan pa'i thag sgra dang bcas dbu gtsug mngon gyur du