[A:31a]gsang chen smra ba du ma'i bsti gnas mchog /mkhas mang 'du ba'i gdan sa bsngags par bgyi/ /gangs ri'i ljongs kyi ri bo'i tshogs kyis kun nas bskor zhing yongs su btud de gnas pa'i dbus/ /rab brjid lhun po'i ded dpon chen po rang bzhin lhun grub ri bo'i dbang po mchog 'di ni/ /ri dwags dbus na ri dwags rgyal po lang tshos dregs pa rnam par 'gying zhing gnas pa ltar/ /'dzam bus mtshon pa'i dbang chen ma lus dbang du byas te lham me lhang nger brjid pa de'i/ /g.yas kyi khyon rnams chu shel dbang sngon padma rA ga'i rang bzhin kun nas 'khrigs lta yin/ /bde chen rgyal pos rgya chen khyab cing khams gsum mtha' dag zil gyis gnon byed gdan sa 'di/ /shambha la ltar 'dzin ma'i khor yug kai la sha yi phreng bas mdzes shing bskor ba ni/ /ku mud phreng ba bkod legs mdzes pa skabs gsum lha yi me tog rnams kyis mchod pa lta'i/ /de nang rin chen sna tshogs bstar ba la/ /dpal stug dpal gyi rgyal po chen po rnams/ /zab yangs rgya chen chos 'khor bskor ba'i gzhi/ /rin chen ri bo'i khri rnams 'di dag lags/ /mchog gi sa skyob rab brjid gdong lnga pa/ /'og min zhing du bgrod snyam bgyi ba 'di/ /mdog dkar gangs ri'i logs dang mtshungs pa ste/ /thog ma'i rgyal bas chos 'khor bskor ba'i gzhi/ /shar ri'i dbang po gra chung gong kha ni/ /sa 'dzin dbang po srub shing rab bskyod nas/ /lha min dbang pos chu gter bsrubs pa las/ /legs 'ong legs ldan dbang po 'gying ba bzhin/ /mdog bzang dbang sngon