[A:303b]bre 'gyed tshan che ba dang / gzhan yang ja gos dar sogs kyi gral 'gyed blos mi 'khyud pa lta bu sgrub par mdzad cing / de dag dang dus mnyam du gdan sa chen po'i gtsug lag khang thams cad du snyan dar/ zhal zas mar me'i phreng ba tshar du dngar ba sogs mchod pa'i bye brag du ma 'bul ba dang / gong bzhugs bla ma slob dpon sogs la bsngo rten 'bul tshan grangs kyis mi lang ba lta bu sogs mdor na 'dzam bu gling gi zang zing gi dngos po thams cad phyogs gcig tu spungs nas mchod pa dang sbyin par gtong ba lta bu'i rnam dkar gyi mdzad pa rlabs po che de 'dra ba lan gsum gyi bar du sgrub par mdzad pa'i sgo nas kyang 'gro ba rnams dbul phongs kyi sdug bsngal las bskyab cing rang nyid kyi thugs rgyud la bsod nams dang ye shes kyi tshogs rgya cher spel ba dang / rjes 'jug rnams kyang longs spyod don yod pa sogs yang dag pa'i bya ba la 'jug pa'i rnam dkar gyi dge ba'i shul lam chen po btod par mdzad pa yin no/ /de ltar rje btsun mkhyen brtse'i dbang phyug de nyid kyis gdul bya dus la babs par gzigs nas grub pa brnyes pa'i rtags mtshan ngo mtshar can bstan pa'i tshul 'di ltar yang thos te/ gong gi rnam thar bstod pa'i tshigs bcad kyi 'phros las/ gzhan yang phyogs mthar 'gro ba'i don mdzad tshe/ /grang ba'i ngad dang ldan pa'i ri bo la/ /drung na gnas pa'i 'khor tshogs bskyab pa'i phyir/ /'khor yug drod kyis khyab par mdzad la 'dud/ /ces bya ste/ de yang dus phyis chen po 'ga' zhig gi srog bskyab pa'i slad du rje nyid kyis lho phyogs kyi rgyud du chibs kyi kha lo sgyur