[A:299a]kyi cha mnal lam du/ sa skya'i rgyab ri dpon po ri nas gdong nag gi bar gyi nam mkha' la sprin nag gru gsum 'khrigs pa'i dbus su gur gyi mgon po nyid phyag gnyis kyis gri thod nyug ge ba dang / de'i steng gi phyogs su khyung chen gsum/ g.yas phyogs su bya nag gsum/ g.yon phyogs su khyi nag gsum/ rgyab phyogs su ce spyang gsum/ mdun phyogs su mi nag gsum rnams shin tu gsal ba dang / sprin nag gi gseb na me ris shin tu legs pa bzo rigs pa mkhas pa sus kyang bskrun par mi nus pa lta bu 'ur sgra dang bcas 'bar ba yun ring du gzigs shing / de'i ngang nas gur gyi mgon po'i sku yongs rdzogs je gsal je gsal 'gro ba zhig 'dug pa la/ zhabs 'bring po zhig gis mnal sad byung bas shin tu phongs pa zhig byung gsungs shing / yang nyid kyis lha khang chen mo'i yang steng du rdo rje phur pa'i gsung bsnyen mdzad pa'i dus tho rangs shig mnal lam du/ gtsug lag khang chen po de nyid kyi khyams stod na bzhugs pa'i sku rnams la rdul sprugs mdzad kyin 'dug pa na sku de dag gi khrod nas mi dkar po zhig byung nas rje nyid la shog ril zhig gtad de/ 'di tshe gzungs yin pas rgyun du sgrogs shig zer nas mi snang bar gyur song ste/ shog ril la gzigs pas sngags shig 'dug pa bzung bas/ nang par mnal sad nas kyang byang bar thugs la bzung 'dug pas re zhig chag med du mdzad cing / dus phyis bsnyel nas med do zhes gsungs kyang / gong gi mi dkar po byung gsungs pa de yang lhag pa'i lha mchog rdo rje gzhon nus zhal