R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}
[A:30a]thugs rje che ldan de yi slob rgyud lags/ /zhes gsungs pa ltar ro/ /de lta bu'i bla ma chen po 'di nyid kyis dgung lo nyi shu nas drug cu rtsa bdun gyi bar gdan sa lo zhe brgyad bzung nas/ sa pho stag gi lo tha skar gyi zla ba'i dkar phyogs kyi tshes bcu bzhi'i tshe dpa' bo dang rnal 'byor ma'i tshogs kyis bsus te g.yas ru skya bo kha gdong du zhi bar gshegs la/ de'i tshe skye bo thams cad kyi mthun snang du grub par rol mo dang dri zhim pa'i tshogs dang / 'ja' tshon gyi 'od kyis gang bar byas shing / sku'i bkod pa bzhir bstan te/ gcig ni bde ba can/ gnyis pa ni po ta la/ gsum pa ni o rgyan/ bzhi pa ni byang phyogs kyi 'jig rten gyi khams gser mdog can du gshegs par spyan snga na gnas pa la phal cher gyis gsal bar rtogs pa yin no/ /de'i rgyu mtshan rim pa ltar/ 'jig rten dbang phyug gi longs
bde ba can/
po ta la
sprul pa yod pa dang /
o rgyan
rgyud sde'i glegs bam mkha' 'gro mas rgya btab nas yod pa dang / sras rje btsun 'byon pas de'i zhing sbyong ba'i ched yin zhes zhu byas dngos grub kyis bshad la/ pur bzhu la bzhen pa de'i tshe spyan snga na bzhugs pa thams cad yid mi bde ba med par ting nge 'dzin dang ldan zhing 'khor lo bde mchog zhal bzhi par ni thams cad kyis mthun par mthong la/ dge bshes zangs ri phug pas bskor ba mdzad pas rtsa zhal khong la khyu ru ru bsgyur ba dang / 'ga' zhig gis kye rdo rje zhal brgyad par yang mthong zhing / pur thal mtsho la sbyangs pas mtsho la bde mchog gi dkyil 'khor lam me byung nas deng