[A:291a]gzigs pa tsam gyis phyin ci ma log par dgongs shing / yig rigs kyang war dhu/ lanytsa/ rgya mtsho mtha' yig sogs rgya gar gyi yig rigs du ma dang / bod kyi yi ge'i rigs kyang mi 'dra ba mang po zhig la bdag nyid chen po 'di'i phyag bris rnams las gzugs mdzes shing brda dag pa ni yi ge la sbyangs shing mkhas par grags pa'i skye bo sus kyang bskrun par nus pa ma yin la/ gzhan yang sbyang tshul ma bstan kyang bzo'i rig byed phul du phyin pa mkhyen pa'i tshul ni/ chos skyong che chung gi sku brnyan sogs nyid kyi phyag bris mdzad pa'i bris thang ngo mtshar can rnams mthong ba'i tshe/ dus phyis dbus gtsang gi lha bzo ba mkhas par grags pa sus kyang 'gran zla dang bral zhing yongs la grags pa 'di yin la/ de lta bu'i ngo mtshar ba'i yon tan du ma dang ldan pa'i bdag nyid chen po 'di nyid kyi rmad du byung ba'i rnam par thar pa'i cha shas 'ga' zhig rang gis brtsams pa'i rje nyid kyi gsol 'debs dang sbyar nas bshad par bya ste/ de yang gsol 'debs kyi mchod brjod ni/rgya gar saM skr-i ta'i skad la bag chags bzhag pa'i phyir rgya skad du smos pa yin te/ de yang na mo gu ru kIrti ma ti dhwa dza shrI bha dra ye zhes pa de'i don ni/ na mo phyag 'tshal ba/ gu ru bla ma/ kIrti ma ti grags pa blo gros/ dhwa dza rgyal mtshan/ shrI dpal/ bha dra bzang po/ ye zhes pa gong gi tshig dang 'brel bas te/ des na bla ma grags pa blo gros rgyal mtshan dpal bzang po la phyag 'tshal lo zhes pa'o/ /de ltar mchod par brjod nas gsol 'debs dngos kyi don bshad pa la/ de yang skyes