[A:285a]dang / mdor na nang du ting nge 'dzin gyi rtogs pa bsam gyis mi khyab pa mnga' bas mngon shes dang rdzu 'phrul sogs thogs pa med pa dang ldan pa zhig ste/ dper mtshon na lan cig kho bo cag gis bdag nyid chen po 'di byas 'gyur rdo rje'i brag rdzong na bzhugs skabs shig zhabs drung du mjal bar phyin pa na/ thugs dges pa'i ngang nas nyin rang por gsung gleng mang du mdzad de nyi ma phyi mor song ba na gsung las/ do nub 'dir bsdad na snyam pa tsam 'dug ste skyed lhas mgon khang du bskang gso'i grabs byas pa sogs brel ba'i stabs kyis 'gro ba shar tshe/ lam bar la bca' ga dag po gyis/ lhag par byas 'gyur gyi mdun gyi bla ma do par ma slebs bar rlung 'tshub shin tu che ba byung dogs yod pas de bar bzabs dgos so/ /de nas rlung po gtan 'ong ba med do zhes gsung byung ba ji ltar bka' stsal pa bzhin kho bo cag 'khor bcas byas 'gyur nas chas tsam nas bzung glo bur du rlung chen po cher langs nas/ byas 'gyur gyi mdun gyi bla ma do pa zer ba der ma slebs bar du rlung po shin tu che bas mi rta kun la nyen che ba tsam byung zhing / de nas rlung po rnams nyal gyi zhi ba la sogs bdag nyid chen po ji ltar gsungs pa bzhin byung bas bla ma'i gsung la yid ches kyi dad pa dbang med du skyes shing / gzhan yang 'phral gyi mdzad spyod ya ma zung so skye'i blos dpag par dka' ba du ma zhig mdzad pa'i sgo nas kyang sus kyang ma thul ba'i 'jig rten na grags pa can kun kyang 'dar bar mdzad nus pa dang / mdor na gong du bstan pa ltar gyi grub