[A:270a]pa ches cher gsal bar mdzad pa de dag la thugs shin tu rangs par gyur cing / snyigs ma'i dus kyi skye bo rnams kyi spyod tshul ngan pa rnams la gzigs pas thugs cung zad gdungs par yang gyur nas/ zhing khams gzhan du 'byon pa la mngon du phyogs par gyur te/ de'i snga ltas su sa chen po 'di yang g.yo ba dang / gdan sa chen po'i nye 'khor rnams su sgra chen po yang mang du grags pa dang / bsam yas chos skyong chen pos kyang / yongs gangs ljongs dpal ldan sa skya yi/ /bstan 'dzin bla ma gzhan don dgongs/ /kye ma kyi hur ci rang drag /mgo bo gser srang 'bum ri ba/ /de ni myur du 'jig la nye/ /mkha' 'gro'i khyogs la bteg nas song / /khyed zab yangs mthil pas ma tshor ram/ /zhes sogs mya ngan gyi rnam pa mdzad pa dang / gzhan yang 'jig rten gyi khams thams cad du mi shis pa'i ltas mang du byung bar grags shing / gzhan yang bdag nyid chen po 'di spyir phra rags kyi mdzad pa gang bsgrubs kyang thugs rtsol shin tu che ba zhig yin pa la/ dus der ni sngar bas kyang rtsol ba cher mdzad nas/ zhal gyis bzhes pa'i gsung chos rnams dang gtsug lag khang gi zhig gsos/ gsung rtsom 'phro can sogs ma grub dogs pa lta bu'i sgo nas shin tu myur bar gyis zhes 'khor rnams la yang bka' stsal pa dang / lhag par bdag nyid chen po rang gi gsung las/ nang so pu tra khang 'di zhig gsos ma grub na/ de nged kyi sems kyi re ba'i lhag mar yod ces gsungs pa bzhin/ lo de nyid kyi tshe nang so pu tra khang gi zhig gsos